Dodadi 46:2 - Ma Jou ai Demo-demo o Totobelohoka

² De ma futuku gea hoka o Yakubu wobuluhara de Ma Jou womahimatoko ai buluhara ma goronaka wato, “Yakubu, Yakubu!” de o Yakubu wopaluhu wato, “Iya, ahi Jou, ngohi naa.”

Dodadi 46:2 ပူးပေါင်းရင်းမြစ်များ

Dodadi 15:1

Mata-mata gea ipaha de ahao naga moi o himatoko Ma Jou o Yaweoka de aino abe wihimatoko o Abaraamika. De ai himatoko gea imaketero hoka duru yomarihimangino, de Ma Jou wihingahu wato, “Abaraama, ngaro o kia dika naga ma ufa nohawana, Ngaro naga ani musu ma Ngohi todadi ani dadatoko, De ani utumu o kiahonangino abe Ngohino ahao namake kohaamoko, Mangale ngona nosanangi nohiniiki Ngohi naa.”

Dodadi 15:13

De ahao Ma Jou o Yawe wihitararono o Abaraamika wato, “Hokonaa todiai la ngona ka idadi nohioriki igoungu hokokia manga kangela ma amoko yamake ani totoforauku. Abe ona ahao yodadi o homoa ma nyawa o tonaka moiokali. De o nyawa abe yogogere genangoka ahao ani totoforauku gea yahidadi manga huhuloko abe yahitipokouku de yahikarajaanga de o karajaanga kohadubuho. De hokogea duru yahikangela manga taongo o ratuhu iata manga dekanino.

Dodadi 20:3

Masara ahao o futu moiuku de o Abimeleke wobuluhara, de ai buluhara ma goronaka de Ma Jou wihingahu unangika wato, “Abimeleke, ma titi ani howono ho naa ngona nohonenge! De angamoi muna gea abe naa ma duru nomiaoino la nomihidadi ngoni fekata, muna gea ami rokata nagau.” Hokogea Ma Jou wihingahu.

Dodadi 22:1

De ipahaika Ma Jou o Abarahaama ai ngongaku wataili. De hokonaa ma ade-ade: Ma Jou wiahoko wato, “Abarahaama!” De o Abarahaama wopaluhu wato, “Ngohi naga nenangoka.”

Dodadi 22:11

Masara ka de o Abarahaama ai gakana wagorakiyeoka de itodokanino naga o dihanguku Ma Jou o Yawe ai malaekata womatengo waamokiye wiahoko wato, “Abarahaama, Abarahaama!” De una wopaluhu wato, “Ngohi naga nenangoka.”

Dodadi 31:11

De ahao ahi buluhara ma goronaka naga Ma Jou ai malaekata wotemo ngohino wato, ‘Yakubu!’ De ngohi topaluhu tato, ‘Ngohi naga tototoihene!’

Gegetongo 12:6

De ahao Ma Jou o Yawe wotemoli onangika de ai buturungu, wato, “De naa ngini inihinooto duru nitotoihene ahi demoika! Abe ma oraha naga to Ngohi ahi nyawa nia hidogoronaka abe ona tahidadi ahi uru ma dodofanga, masara Ngohi, Ma Jou o Yawe tatemo onangika de o buluhara de o himatoko.

Gegetongo 24:4

Abe Ma Jouino toihene to Una ai demo abe idadi ahi hingahu naa. Ngohino iboa o himatoko abe Una Wokokurutiye wohihimatoko. Tomamotumuku ai himangoka de Una wohihiakunu la tomahioriki itiai.”

Hidingoto 10:13

De ahao una woihene o ilingi moi itemo unangika ato, “Peturusu, nomaokoino de nomadoma la ka idadi naolomo!”

Hidingoto 10:3

Ho o wange moiuku abe ngade-ngade o takoro hange o bimaowaka de una wamake o himatoko moi abe Ma Jou ai malaekata womatengo naga woboa unangino. De ma malaekata gea wiahoko unangika wato, “Koroneliusu!”

Hidingoto 16:9

De ma futu gea Ma Jou wihidoaka o Paulusika la ka idadi wamake o himatoko moi Unangoka de aino. De ma himatoko ma goronaka de naga o Paulusu wimake womatengo o Makedonia ma nyawa. De una gea duru wogaho-gahoko o Paulusika wato, “Duru togahoko la ngona nainohi ahi tonakino naa la ka idadi nomiduhunu ngomi nenangoka.” De hokogea o Paulusu wamake ma futu gea.

Hidingoto 9:10

De naga o Damasiki ma kotaka womatengo wingaku-ngaku abe ai romanga o Ananiasa. De nanga Baluhu idodutu womahimatoko unangika de wiahoko wato, “Ananiasa!” De wipaluhu wato, “Ahi Baluhu! Ngohi naga!”

Hidingoto 9:4

De una worubauku ma tonakuku de ahao woihene o ilingi itemo unangika ato, “Saulusu, Saulusu! Adodoa ho ngona nohihikangela Ngohino ma titi ani datorino?”

Hihira 7:2

De naa o Gideono de ai tentara ka yomahiainohi de Ma Jou o Yawe wihingahu o Gideonika wato, “Gideono, to ngona ani tentara yowoeholi abe nako tinihigunoa ngini mata-mata niaparangi onangika de ahao o Isiraele ma nyawa yomahigiriiri ato ona de manga buturungu yomahihupu o Midiana ma nyawa manga kuahaino.

Hihira 7:9

De ma futuku gea Ma Jou o Yawe o Gideono witumomiki de wihuloko wato, “Ngini naa ka idadi niuti manga dodogumuku niaparangi angamoi tinihidoakoka o lolaku.

1 Samuele 3:10

De ahao naga ma himatoko abe hoka Ma Jou o Yawe womaokoino genangoka de o Samuele wiahokoli imaketero hoka kanganoli, wato, “Samuele, Samuele!” De o Samuele wopaluhu wato, “Ngona Ma Jou o Yawe nohitemo dika ngohino de ani gilaongo naa tonihigihene.”

1 Samuele 3:4

De itodokanino Ma Jou o Yawe wiahoko unangika wato, “Samuele, Ei, Samuele!”