Dodadi 46:12 - Ma Jou ai Demo-demo o Totobelohoka

¹² O Yehuda ai ngofa-ngofaka manga romanga: o Era, o Onana, o Siela, o Perese de o Sera; masara o Era de o Onana yohonengoka ma oraha yogogerohi o Kanani ma tonakoka. De naga o Yehuda ai danongo abe o Perese ai ngofa-ngofaka manga romanga: o Heserono de o Hamulu.

Dodadi 46:12 ပူးပေါင်းရင်းမြစ်များ

Dodadi 29:35

De ahao ma moioli muna de ami badangokali de momagerewotoli ami ngofaka momamake o nauroli de motemo mato, “Naa duru tihigiriiri Ma Jou o Yawe de gea ma titi hiadono ahi ngofaka naa tihiromanga, ‘o Higiriiri.’” De nako to ona manga demo ai romanga, “o Yehuda.” De genangoka de o ngo Lea ko mamakeokauahi o ngofaka.

Dodadi 38:10

Masara nako Ma Jou o Yawe ai himangoka gea o Onana wodiai duru itorou abe woluku la ai riaka wamake ai ngofa-ngofakuku ho ma titi gea hiadono unangoo Ma Jou wihohonenge.

Dodadi 38:4

De ahao ngoi fekata mamakeoli ami ngofaka o nauru de manga ngofaka gea muna mihiromanga o Onana.

Dodadi 38:5

De ahao ma moioli mamake o ngofaka o nauroli de ka munangoli mihiromanga o Siela. De ma oraha o Siela womaboa ona yogogere o Kesiboka.

Dodadi 38:7

Masara woilaka ipahaino de o Era una gea ai datoro itorouholi Ma Jou o Yawe ai himangoka. Ho ma titi ai datoro ma dorou gea hiadono Ma Jou o Yawe Una ma hirete wihohonenge o Era gea.

Dodadi 46:11

O Lewi ai ngofa-ngofaka manga romanga: o Gerosono, o Kehata de o Merari.

Dodadi 46:13

O Isakara ai ngofa-ngofaka manga romanga: o Tola, o Pua, o Ayubu de o Simirono.

Higalioli 33:7

De o Musa ai hiowa ma demo ma titi o Yehuda ma nyawa hokonaa, wato, “Ma Jou o Yawe, duru tagahoko o Yehuda ma nyawa, la ma oraha o kokangela yaohana de yomagahoko o duduhunu, gea Ngona napaluhu de naduhunu la ka idadi nahigilioli ona manga gogianongoruika. De tagahoko la to ona manga buturungu duru ilamoko, de ma oraha yomaketeparangi de manga musu de Ngona duru nahiputurungu onangika.”

Ibarani 7:14

Abe ahi demo gea ma dumutu nanga Baluhu idodutuika, abe ngone hohiorikoka Una womaboa o Yehuda ai dutuino de ko o Lewiua ai dutuino. De ngaro hatailako o Musa ai demo ma dodihiraino, masara duru ko iwa ai bukuoka abe ma hiaturu la o Yehuda ma nyawa ka idadi yagoraka de yodadi nanga hidemo Ma Jouika. Ho mangale ma titi nanga hidemo ma hiaturu ihira-hiraika ko akunua ihingodumu Ma Jou ai hininga ma dumutu ngoneino, ho hiadono Ma Jou wihidingoto moioli nanga Hidemo abe ko o Lewinoua ai dutuoka de aino woboa. De genangino ka idadi hohioriki abe ka o hidemo ma hiaturua dika Ma Jou waturuuruoka, masara ma Paretaoo waturuuru abe ma oraha wigoraka o Yesusu la Una gea wodadi nanga Hidemo ma hungioli Ma Jouika. De nanga Hidemo ma hungi Una gea dika abe ka wakunu wonaduhunu ngoneino abe duru imaketero hoka Ma Jou ai hininga ma dodihirainohi la hiadono ngone hongodu-ngodumoka Ma Jou ai himangoka. Ho genangino de hohioriki abe ka ma hiaturu ma hungiohi duru irorahai nako de abe ihira-hiraika.

Himatoko 5:5

Masara o dimono womatengo wohitemo ngohino wato, “Ibootohi noari! Angamoi abeika genangoka naga womatengo abe naga de ai kuahaka la wahohe ma buku gea. De Una gea abe duru ma dodihiraka de Ma Jou wonahibehehongoka wato ahao Una gea woboa de wonaduhunu ngone. Abe Una gea iwihiromanga o Singa abe o Yehuda ai dutuino womaboa, de gea iwihiromanga o Singa angamoi Una ma koano duru ko ai buturungu. De Una gea o Yahudi ma nyawa manga koano ma dihiraino o Dautu ai totoforauku womatengo. De gea Una wahikalaka ai musu, de naga Unangoka ai kuaha la ka idadi ma guihi tumidi gea wafelenga de ma buku gea ka idadi wahohe.” Hokogea ma dimono ai demo ngohino.

Hihira 1:2

De Una wapaluhu onangika wato, “Kiani nia gogianongoru o Yehuda ma dutuoka ona yabaatika, angamoi Ngohi ahao tahidoaka o lolaku onangika. Ho o Kanani manga tonaka tahidoaka to ona manga giamika.”

Ruutu 4:12

De ngonaoo minigahoko Ma Jou o Yaweika la muna o ngofeka ka o goohi naa Ma Jou womipake la to ngona ani ngofaka de ani totoforauku yowoe-woeuku. Abeika nanga ngoe o Yehuda ma nyawa homahidutu o Peresika abe una o Yehuda de o ngo Tamarino manga ngofaka de una gea wodadi to ngone mata-mata nanga tofora. Hokogenangoo de ngomioli minigahoko Ma Jou o Yaweiye la to ngonaoo ani totoforauku manga ngoe abe o ngo Ruutino namake.” Hokogea o Beteleheeme ma nyawa manga hiowa ma demo o Boasika.