Dodadi 45:5 - Ma Jou ai Demo-demo o Totobelohoka

⁵ Masara ngaro nihifukunoka ma ufa nihawana eko nimangamo angamoi Ma Jou wohiaoino o Mesiiroka la ngohi tonahihiraino nenangoka la ngone o nyawa nanga ngoe ka howangohi.

Dodadi 45:5 ပူးပေါင်းရင်းမြစ်များ

Dodadi 37:28

Hokogea o Yehuda ai demo de ai ria-dodoto iwihigihene ho ka de ona abe yoboa o Midiana ma tonakino gea yomahitiginoka de o Yusupu ai ria-riaka iwihihupu o humuino de iwifukunu onangika de ai ija o haaka ise-senge monaoko. De gea iwifanguoka de ahao o Isimaele ma nyawa gea o Yusupu iwiao o Mesiiri ma tonakika.

Dodadi 47:25

Ka de o Yusupu ai hiaturu gea yoihene de yotarimakase unangika ato, “Mia baluhu, duru ngona nomiduhunu la ko mihonengua de nomipaliara ho ngomi misanangi dika midadi o Firaunu ai gogilaongo.” Hokogea manga hininga yomahingahu o Yusupika.

Dodadi 50:19

Masara o Yusupu wabole-bole de ai demo ma dora onangika wato, “Ngini ngaro ufa nihimodongo. Ngohi naa ahi kuaha ko iwa la hiadono genangika tohisapuru de Ma Jou ai hiaturu ho ngohi ko tiniurusua de ko tinihohowonua.

Dodadi 50:20

Igoungu, ma dihiraino ngini nihihidee niato nidiai duru itorou ngohino, masara Ma Jou ai mau la ma dorou gea wohikawalimi la idadi ma owa. Ho wohiaturu la ngohi tamake ahi karajaanga naa abe de ma kuahaka la o nyawa duru ko manga ngoe ka idadi taduhunu hiadono naa ka yowangohi.

Dodadi 50:21

Ho ibootoka nihimodongo nia dodotino ngohi naa. De angamoi ko iwa ahi hidee tomahibalaha nginika masara naa duru imakawalimi ahi hiaturu hiadono ngini ahi ria-riaka tiniao irahai. To ngohi ahi mau la ngini de nia ngofa-ngofaka tinipaliara ka hiadono nia perelu mata-mata tinihidailako.” Hokogea o Yusupu walaru. De ai hininga ma mobole itagi onangika hiadono de ai lalaru ma demo utuohi waduhunu.

2 Samuele 12:12

De angamoi ngona nodiai hokogea de o nyawa ngoi fekata o fufutuoka ho ahao tohiaturu la idadi ngoni fekatikali duru o Isiraele ma nyawa manga hima-himangoka o wange-wangeoka.’” Hokogea o Dautu woihene o Natanino Ma Jou ai hohowono ma demo unangika.

Estere 4:14

Nako ngona nomarii-riidoka dika de ko nonademoua ngone o Yahudi ma nyawa ahao naga o duduhunu ma ngekomo utu abe inahidailako la ko inahikokibinaahaua masara ngona de ani dutu ona yohonenge. De done ngona naa ma ngekomo abe inahidailakoka de gea ma titi hiadono nodadioka o koano ngoi fekata la ka idadi nonakokiduhunu, ngone o Yahudi ma nyawa eko sarakia?’” Hokogea o Modekai ai hitiari ma demo o ngo Esterika abe o Hata womidotaka.

Lukasa 23:34

De ahao o Yesusu wagahoko o nyawa mata-mata gea wato, “Baba, naofi dika to ona naa manga howono Ngohino, angamoi ona duru ko ihiorikua abe o kia yodiai!” De ipaha de ma tentara gea yomaketebobataru la ato ahao ihioriki hokokia yomahikodoku o Yesusu ai baju mata-mata abe ko iwihidapakuahi de ahuputoka.

2 Korintusu 2:11

Abe nako ngone ko hiapongua, gea idadi o Ibilihi ma haeke ma ngekomo la hiadono nia doomuino nimareguoka ho nia rimoi aruwaeoka. Ho ngone koaho hiapongo nanga gianongoruika gea done o Ibilihi ma haeke ahao inahikala genangoka. De ngone naa hohiorikoka abe ma titi to ena ma hininga ma dorou ngoneino. De hokogea ma titi hiadono koaho niwiapongo nanga gianongoru gea nginioka.

2 Korintusu 2:7

De naa adonoka ma oraha la ngini niwiapongo de ka idadi niwilaru unangika, done de ai hininga ma dubuho iwilufungu. Angamoi nako ka ihikaika ai hininga itubuho done ahao duru iwilutu genangoka ho ai hininga ko idadiokaua ilio abe hoka ma dihirali.

Filemono 1:15

Ho ngohi ko titumungua una gea angamoi tato marai ma dodihiraka de Ma Jou wohideeokau hokonaa, abe wato una gea nimakitingakokahi jai-jai ngonaino la ka idadi wingaku Unangika. Ho ahao naa ka idadi wolio ngonaika de wogogere ngonaka ka hiado-adonika, abe ma titi unangoo naa wingakuoka abe imaketero hoka ngonali, ho gea ngini ko nimakitingakokauali.

1 Samuele 1:19

De ahao ma dawangeino o Ekana de ona ai tauoka duru o ngoru-ngorumino yomomiki de yoiki yomahuba-huba Ma Jou o Yaweika. Yomahuba ibooto de ahao yosobo yolio manga tauika o Rama ma kotaka. De ma oraha o Ekana womaidu de o ngo Hana, Ma Jou o Yawe womihininga de ami niniata wapaluhu ho hiadono ahao muna de ami badangoka.