Dodadi 45:26 - Ma Jou ai Demo-demo o Totobelohoka

²⁶ Ka de yomahiadonoka de iwihitodokanika manga babaika ato, “O Yusupu ka wowangohi! De unangoo iwigoraka la wodadi manga popareta ma hidimono hiadono wapareta o Mesiiri ma tonaka mata-mataika.” Gea woihene de duru o Yakubu iwitodokana de marai ko wangakua manga ade-ade.

Dodadi 45:26 ပူးပေါင်းရင်းမြစ်များ

Dodadi 37:31

De ahao o Yusupu ai ria-riaka gea o kabingi moi yatoma la ma awunu yatakunu de ahao o Yusupu ai baju ma rorahai ihifoka de o kabingi ma awunu gea.

Dodadi 37:35

De ngaro ai ngofaka de ngoi ora ona mata-mata iwilaru masara manga lalaru ma demo gea waoluku wato, “Ahi huha naa ko itoa-toakua ka hiadono tohidohonenge.” Hokogea o Yakubu wotemo de ahao ka woariokali.

Dodadi 42:29

Ho gea yomahiadonoka o Yakubika de iwiade-ade manga babaika gea mata-mata abe idadi manga dodagioka.

Dodadi 42:36

De o Yakubu ai ngofa-ngofakika wataere wato, “Ngini naa duru nisosawaro nihihikangela nia baba! Hoka nioigo la niato nimamata! Ihira o Yusupu ko iwiwaka de ahao o Simeonoo unangoo ma ko iwiwa, de naa niato o Benyaminoli niwiao la unangoli niwihihihanga! Ho done sarakia ahi kangela ka ihikaika ngini niodogoli!” Hokogea o Yakubu ai ngofakika wotemo.

Dodadi 42:38

Masara ka de gea woihene de o Yakubu ai hininga ma huha ka idogo dika de wato, “Ngona kiani nototoihene ahi demo naa, ahi ngofaka o Benyamini, ko woikua! To una ai riaka wohonengoka ho ka unangokahi abe ngoi meme ami ngofakino ho ko tihigunoaua! Abeika ahi pea naa iarehoka ho nako unangoo ahao wobodito de ahi hininga ma huha dika de hiadono tohidohonenge!” Hokogea o Yakubu ai hininga ma huha ma demo.

Dodadi 44:28

De womatengo woikika de ko timakeokaua angamoi marai o fuhuku ma aewani iwigolioka ho hiadono ai badanga ihikokatingakoka.

Dodadi 45:25

De ahao ona o Mesiiroka yosobo yoiki manga babaika o Kanani ma tonakoka.

Dodadi 48:11

De ahao wotemo de ai heranga ma demo o Yusupika wato, “Abeika, ngohi ma dihira ko tonganonokaua duru ahao to ngona ani himanga tamakeoli masara Ma Jou wohiduhunu hiadono ka idadi tonidaene ngona de hiadono ani ngofa-ngofakoo wohihigunoa la tiniborimake.” Hokogea manga ete ai demo o Yusupu de ai danongika.

Higiriiri 105:21

De ahao o Firaunu gea o Yusupu wigorakiye hiadono unangoo de ai kuahaka, De wihitagongo la o koano ai tau ma hiaturu mata-mataika wihidoaka, De ngaro o koano ai kiahonanga enangoo o Yusupu ai kuaha ma goronaka.

Yunusu 2:7

Abe gea ngade-ngade tohonenge de ahao tonihininga, Ngona Ma Jou o Yawe. De ahi niniata ma demo gea idoa Ngonaiye, hiadono ani Ngi ma Debi-debiniye imahiadono.

Lukasa 24:11

Masara abe iwinii-niiki ona ka yoluku manga ade-ade ma demo gea de ko yongakua angamoi yataoko ato bote o homoa ma demo dika.

Lukasa 24:34

Masara ona iwitobanii-niiki yohira yotemo yahinootoika ato, “Nanga Baluhu idodutu wagou-goungu womomikoka ai honengino! Angamoi Una womahimatokoka nanga dodiawo naa o Simonika!”

Lukasa 24:41

De ngaro hokogea womahimatoko de wahigaro masara manga hininga ka hinootohi ma titi duru yogaragoholi de nagali abe yokokiheranga hiadono yomaleha ato, “Naa done sarakia? Bote Una wagou-goungu womomikoka eko nanga hininga inaeluku?” Ho o Yesusu wotemo wato, “Nginioka naga o inomo?”