Dodadi 45:20 - Ma Jou ai Demo-demo o Totobelohoka

²⁰ De nahingahuoo ngaro ufa dika de ona yopusingi ma titi manga kiahonanga utu yanoaika angamoi ahao yamake o Mesiiroka ma kiahonanga abe duru ma rorahai. Hokogea Safanata Panea ahi behehongo ani babaika de ani gogianongoruika.”

Dodadi 45:20 ပူးပေါင်းရင်းမြစ်များ

Dodadi 20:15

De wihibehehongo unangika wato, “Abeika ahi tonaka naa, ngaro ma amokika ma ka idadi nomangiriki dika o kiaka noigo nogogere ahi tonakoka naa.”

Dodadi 45:18

De naa ahi behehongo ani babaika abe kiani nahingahu ani ria-dodotika la onangoli ahao iwihingahu unangika hokonaa: ‘O Firaunu woigo la nia baba niwiaoino o tonakino naa la una de ai nyawa mata-mata yogogere nenangoka. De ngohi, o Firaunu, ahao tinihidailako ti ngini nia tonaka nenangoka abe ka enangohi duru irahai o Mesiiroka ho nia datomo duru de ma gutufuroka la ngini nigogere nisosanangi ahi tonakoka naa.’ Hokogea ahi behehongo abe kiani ani roria-dodoto yadofanga ani babaika.

Dodadi 45:19

De ma oraha ani roria-dodoto yolio kiani o Mesiiroka ma goroba ma ngoe yomagao la ma oraha yoboali nenangino de ka idadi manga ngofa-ngofaka manga etetekohi de manga feka-fekata yahibarene ma gogorobauku. De ani babaoo ka idadi wofarene o gorabauku la gea ko yokangelaua abe ma oraha manga dodagi ma goronaka.

Dodadi 45:21

De o Firaunu ai behehongo gea o Isiraele ai ngofa-ngofaka yaniiki abe yodiai duru imaketero hoka o Yusupu wahuloko onangika. De o Yusupu wahidoaka onangika o goroba ma ngoe hoka o Firaunu wihibehehongoka de wahibilaono la yawedono manga dodagi ma goronaka.

Dodadi 47:6

Ho o Mesiiri ma tonaka idadioka to onangoo manga tonaka! Ngona naa nangiriki ma tonaka abe duru irorahai la ani baba de ani gogianongoru nahigogere genangoka. Marai gea ena o Gosene ma tonaka irahai manga ngi. De nako naga onangoka abe onangohi yososawaro o aewani yopaliara gea ona nahikarajaanga la to ngohioo ahi aewani ihidopaliara.” Hokogea o Firaunu wadafongo de ai sanangi onangika.

Matiusu 24:17

Abe nako ngini utu naga nia tau ma poretoka, ufa ka niwohamohi nia tau ma goronaika de niato, ‘Ahi kiahonanga ma hohutulu toleohi jai-jai.’ Gea ufa, ma kiani niloara dika o loku-lokuika.

Lukasa 17:31

“De ma wange gea onagona dika naga manga tau ma poretoka de toboa, ngaro ufa yowohamohi manga tau ma goronaika de yato, ‘Ahi kiahonanga ma hohutulu toleohi jai-jai.’ Gea ufa, ma kiani yoaroka dika. De o nyawa abe naga manga redioka ma wange gea, ufa yolio manga kapongika ma kiani yoaroka dika.

Yosua 7:11

Nia kangela naa idadi mangale o Isiraele ma nyawa yahowonoka Ngohino. Ona gea yatilakuroka ahi behehongo onangika abe tato kiani yaniiki. Ona yomagorakoka ena gea o Yeriko ma kiahonangino abe Ngohi tinihibehehongoka tato kiani nihidingakoka Ngohino dika mata-mata. Ho ona gea ihidohikoka ahi kiahonanga, de yoelukoka, de ma kiahonanga gea yomale de yomahitoonangoka hiadono yagogono manga tau ma goronaka.

1 Samuele 10:22

Masara ko iwimakeua manga doomuoka ho hiadono ona iwileha Ma Jou o Yaweika de Una wahingahu, wato, “O Saulu gea una womagogono nia kiahonanga ma hidogoronaka.”

1 Samuele 25:13

De ahao o Dautu wahuloko ai nyawaika wato, “Ngini nimataiti nimahidiai la ngone hoiki haparangi onangika gea! Ho ngini homoi-homoi niagoraka nia humaranga de gea nimahidubuluino nia badangoka.” Ho ona de o Dautu ona mata-mata yomahidubuluino de manga humaranga, abe naga ngade-ngade yaratuhu iata yomakiniiki de o Dautu ma oraha yosobo. De nagali ai nyawa yaratuhu hinooto ko yoikua angamoi yomagoo-gogere dika la ka idadi manga kiahonanga yogoa-goana.

1 Samuele 30:24

Ho ti ngini nia hininga gea duru ko itiaiua. Angamoi nanga gogianongoru abe ko inaniikua ma oraha hoparangi, ona yomagoo-gogerohi naangoka de yagoa-goana to ngone nanga kiahonanga abe hanoaikahi onangoka. Ho mangale ma titi gea ngohi tato irahai la ma oraha hahikokodoku nanga parangi ma lolaku ma kiahonanga de ngone homoi-homoi nanga regu imakoketero dika.”