Dodadi 45:19 - Ma Jou ai Demo-demo o Totobelohoka

¹⁹ De ma oraha ani roria-dodoto yolio kiani o Mesiiroka ma goroba ma ngoe yomagao la ma oraha yoboali nenangino de ka idadi manga ngofa-ngofaka manga etetekohi de manga feka-fekata yahibarene ma gogorobauku. De ani babaoo ka idadi wofarene o gorabauku la gea ko yokangelaua abe ma oraha manga dodagi ma goronaka.

Dodadi 45:19 ပူးပေါင်းရင်းမြစ်များ

Dodadi 45:20

De nahingahuoo ngaro ufa dika de ona yopusingi ma titi manga kiahonanga utu yanoaika angamoi ahao yamake o Mesiiroka ma kiahonanga abe duru ma rorahai. Hokogea Safanata Panea ahi behehongo ani babaika de ani gogianongoruika.”

Dodadi 45:21

De o Firaunu ai behehongo gea o Isiraele ai ngofa-ngofaka yaniiki abe yodiai duru imaketero hoka o Yusupu wahuloko onangika. De o Yusupu wahidoaka onangika o goroba ma ngoe hoka o Firaunu wihibehehongoka de wahibilaono la yawedono manga dodagi ma goronaka.

Dodadi 45:27

Masara ona ahao o Yusupu ai behehongo mata-mata iwihingahu manga babaika. Ho ka de o Yakubu woihene o Yusupu ai demo de wamakeoo o goroba ma ngoe gea abe o Yusupu wohidingoto la ai baba ka idadi wofarene la iwihiao, de ahao wangaku manga ade-adeika.

Dodadi 46:5

De ahao o Beresebaka yosoboli yogila-gila o Mesiirika yoiki. De o Yakubu ai ngofa-ngofaka iwihibarene manga baba o gorobauku, de manga ngofa-ngofaka, de manga feka-fekatoo yahibarene ma gogorobauku abe o Firaunu wihidingotino la manga baba o Yakubu iwihiao.

Yesaya 49:1

De Ma Jou ai Huhuloko wotemo wato, “Abeika nitotoihene, abe ngini nimanoa o nuu-nuuhoka de nginioo abe nia tonaka kohagurutika. Ngohi naa ko tomaboauahi de o Yawe wohiahokoka, abe Ngohi nagahi ngohi meme ami pokoroka de wofetongo ahi romanga la wohihitagongo moi ma karajaanga Ngohino.