Dodadi 45:16 - Ma Jou ai Demo-demo o Totobelohoka

¹⁶ Ka de hokogea idadi de o Firaunikaoo o nyawa iwiade-ade ato, “Naga to Yusupu ai roria-dodoto yoboaka!” Ka de woihene hokogea de unangoo o Firaunu duru wosanangi de onangoo abe yokokarajaanga unangoka onangoo yosanangi.

Dodadi 45:16 ပူးပေါင်းရင်းမြစ်များ

Dodadi 16:6

De o Abaraama womipaluhu wato, “Muna gea to ngona ani duduhunu ho to ngona ani giamoka. O kia dika nato itiai nodiai munangika, gea nodiai dika.” Ho o ngo Sarai duru momihikangela o ngo Hagarika hiadono ngo Hagara momatemo ami hiningaka mato, “Ngohi ko tapoaua ahi kangela naa ho koaho tomidogunoaika.” Ho gea ahao moara o ngo Hagara.

Dodadi 20:15

De wihibehehongo unangika wato, “Abeika ahi tonaka naa, ngaro ma amokika ma ka idadi nomangiriki dika o kiaka noigo nogogere ahi tonakoka naa.”

Dodadi 34:18

Ka de manga demo yoihene de o Hamoro de o Sikeme yosanangi yodafongo.

Dodadi 41:33

De ahao o Yusupu wihingahuoli o inomo ma hiaturu wato, “Ho ngona o Firaunu, kiani nilingiri o nyawa moi abe duru wososawaro de nihitagongo la una gea ma inomo wohikaaturu o Mesiiri ma tonaka ma amokika.

Dodadi 41:37

Ka de yoihene o Yusupu ai demo gea de o Firaunu de ai duduhunu yokokurutiye abe manga kokawaaha yahipareta, ona mata-mata yosanangi yaniiki.

Dodadi 45:15

De gea o Yusupu ka woariohi de ai ria-riakoo homoi-homoiika wakokikooino de wakokibounu. Gea de ahao yomulaenge yogogarago yomaketeade-ade una de ai roria-dodoto.

Dodadi 45:17

De o Firaunu wiahoko o Yusupu de wihingahu unangika wato, “Safanata Panea, ngohioo naa duru tosanangi tonihingahu kiani ani ria-dodoto yomataiti manga inomo ihibarene manga keledaiuku de yokokilio manga nyawaika o Kanani ma tonakoka.

2 Samuele 3:36

De ma nyawa mata-mata genangoka iwimake manga koano ai hininga gea de duru iwisanangi unangika. Angamoi ma titi ai demo de ai datoro gea de ka idadi duru iwihioriki abe ko ma titiua manga koano hiadono o Abanera iwitoma. Abe ngaro to una ai nyawa genangoka de ngaro o Isiraele ma nyawa mata-mataika masara ona iwihikokioriki abe o Dautu ko iwa ai howono ma titi o Abanera ai doma gea. De marai manga koano gea ai datoro mata-mata yahisanangi dika ai kokawaahaika.

Estere 1:21

De o koano de ai duduhunu o nau-nauru yososawaro yokokurutiye gea yokokisanangi o Memukana ai demoika ho o koano wodiai duru imaketero hoka o Memukana wihingahuoka.

Estere 2:4

De ahao mia koano, ngona ma hirete nomiiriki momatengo onangino la nomihidadi ngoni fekata ma gou-goungu. Ho ngona nomilingiri la abe duru monihisanangi ngonaika la gea muna modadi o ngo Wasiti ami duruuru.” Hokogea manga higaro ma demo o Ahasi-werosika. De o koano wosanangi manga demoika ho wahuloko ai duduhunika la yaniiki o higaro ma demo gea hiadono idadi imaketero abe hoka ona ai datekoka yotemoka.

Estere 5:14

De ngoi fekata o ngo Seresi de ai dodiawo, ona iwihingahu unangika, ato, “Hamana, ngaro ufa nihigunoa o Modekai wonihikangela hokogea. Abeika o koano ai hininga ngonaika, ngona nohiaturu dika la o Modekai wohonenge. Ngona nahuloko o nyawaika la ihigoko o panakini la idadi o hohowono ma didide de ahao o Modekai iwiliko ai tomarino de iwidide genangoka ka hiadono wohonenge. De kiani o panakini ikurutiye ho nahuloko yodiai o hohowono ma didide gea o metere monaoko de hange ma gurutiye! De ahao itebini o ngorumino noiki o koanoika de nomagahoko la una wahuloko ai nyawaika la o Modekai iwile de iwidide o hohowono ma didideoka gea. Hokogea ngona nodiai la wodohonenge genangoka de abe ma titi inihikangela ko iwaka. Abe ka de nohiaturu hokogea de ahao ka idadi o koano niniiki o ngo Estere ami ngolo-ngolomika de ngona duru nososanangi dika.” Hokogea ngoi fekata de ai dodiawo iwihigaro o Hamanika. De o Hamana duru wosanangi de manga higaro ma demo gea ho wohiaturu la duru ma oraha gea dika de o hohowono ma didide gea yodiai.

Hidingoto 6:5

De ona mata-mata manga doomuoka gea duru yosanangi abe yangimoi de yahinooto manga demoika. De ipaha de ona yairiki o nauru yatumidi naa, abe o Setefanusu, una abe duru ai hininga aomanga de o ngongaku de Ma Jou o Womaha, de nagali o Filipusu, de o Prokorusu, de o Nikanoro, de o Timono, de o Paramenasa, de o Nikolausu abe o Antiokia ma tonakoka ma nyawa. De o Nikolausu una gea tanu ko o Yahudi ma nyawaua masara nengokadauino de womangali de waniikoli o Yahudioka manga agama, de ipahainoli de wingaku o Yesusika.

Hidingoto 7:13

De abe to ona manga dodagi ma hinooto abe yoiki o Mesiiri ma tonakika la ma inomo yomaija de o Yusupu womahingahu onangika wato, ‘Ngohi naa ti ngini nia dodoto!’ De womahingahu ipaha de ahao naga abe iwihingahu o Mesiiri manga koanoika la unangoo ka idadi wahioriki ma titi o Yusupu ai ria-riaka gea.