Dodadi 45:15 - Ma Jou ai Demo-demo o Totobelohoka

¹⁵ De gea o Yusupu ka woariohi de ai ria-riakoo homoi-homoiika wakokikooino de wakokibounu. Gea de ahao yomulaenge yogogarago yomaketeade-ade una de ai roria-dodoto.

Dodadi 45:15 ပူးပေါင်းရင်းမြစ်များ

Dodadi 29:11

De womibounu o ngo Rahelika de womihingahu wato, “Ngohi naa ani dutu adaene abe ngohi meme o ngo Ribeka, ani baba ngoi firanga.” Gea womihingahu ibooto de ahao duru woari de ai ilingi ma amokiye. Woari ibooto de o ngo Rahele momataiti moiki momapopaata ami babaika la mihingahu womatengo manga dutu naga o humuoka.

Dodadi 29:13

De o Labana ka de woihene abe ai daho woboa watutumu de unangoo duru womataiti woiki dokaika la o Yakubu wibuhuku. Gea yomakamake de o Labana ai daho wikooino de wibounu. Gea yomakobounu ibooto de ahao o Labana wiao ai tauika. Genangoka de ahao o Yakubu wiade-ade ai pepeika hokokia mata-mata ho hiadono naa woboa.

Dodadi 33:4

Ma, ka de gea wimake de o Esau duru womapopaata wibuhuku ai dodoto de wikooino de wibounu de ona o ria-dodoto yoari.

Dodadi 42:24

Ho ka de woihene manga demo gea de ai koongo imulaenge itifa ho womadohuku womalingiri ma ngi la genangoka womahidutulukino de woari. Gea woari ibootino de ahao wagilioli onangino de ma hohutulu watemoli onangika. De ahao wiiriki ai riaka o Simeono onangino de wahuloko ai gogoanika la una iwipakitoka duru ai ria-dodoto manga himangoka.

Dodadi 45:14

O Yusupu ai behehongo hokogea de ai garago iwilufungokaholi hiadono ko womatongohonokaua de ai koongo itifa de ai dodoto o Benyamini duru wikooino de gea o Benyaminoo ai koongo imulaenge itifa.

Dodadi 45:16

Ka de hokogea idadi de o Firaunikaoo o nyawa iwiade-ade ato, “Naga to Yusupu ai roria-dodoto yoboaka!” Ka de woihene hokogea de unangoo o Firaunu duru wosanangi de onangoo abe yokokarajaanga unangoka onangoo yosanangi.

Dodadi 45:2

De o Yusupu woari. De hiadono woari kohaamokiye ho o Mesiiri ma nyawa onangoo yoihene, de gea yoade-ade hiadono o Firaunu de ona mata-mata ai tauoka ihikokioriki abe o Yusupu woari.

Dodadi 46:29

Ho ka de o Yusupu woihene yoboaka de wato woiki watutumu. Ho ai duduhunu to Yusupu ai kuda de ai goroba ma rorahai iwihidiai ibooto de wosobo ai baba witutumu. Ka de womahiadono ai babaika de duru wikooino de woari-ari ma dekana ai baba ai belekaka.

Huhupu 4:27

De ma oraha o Musa de o Harunu ko yomakamakeuahi de Ma Jou o Yawe wihingahuokau o Harunika wato, “Harunu, naa Ngohi toigo tinihikamake de ani dodoto o Musa ho kiani noiki nibuhuku o tonaka ma kakaahaika.” Ho o Harunu woiki de ma oraha abe ahao una de o Musa yomakamake gea o loku ma timiuku abe ma dihira Ma Jou womahimatoko o Musaika. De genangoka o Harunu de ai dodoto yomahikomorene.

Lukasa 15:20

“De hokogea una womatemo doka ai hiningaka ibooto de womaokoino de ka wosobo wolio ai babaika. De abe ngade-ngade womahiadono masara hatoli ka ai gurutikahi de ai baba wimakeoka woboaino. Ho ka de wimake de ai baba ai hininga duru iwilufungu de ai dora ai ngofakika, ho una womapopaata wibuhuku. De wiadono unangika de wikooino de wibounu unangika.

Hidingoto 20:37

De ona mata-mata duru yoari ma titi kiani yomakitingaka de una, de iwikokikooino de iwibounu la manga dora unangika yomahimatoko.

Ruutu 1:14

Ka de o ngo Naomi ami demo gea yoihene de utuohi ilamokiye yoari. Masara ahao o ngo Orpa momibounu ngomi hunungika de momahilooa mato, “Nako hokogea, marai ngohi tolio ngohi memeika.” Masara o ngo Ruutu, muna duru o ngo Naomika momahigagaoika hiadono moluku momipidili.

Ruutu 1:9

De ngaro Ma Jou o Yawe wosanangi winihigogilakoli la genangoka ngini niriidi de nia roka-rokatoli nigogere.” Hokogea o ngo Naomi mahibehehongo o ngo Ruutu de o ngo Orpaika. De ahao makokibounu onangika de ona duru yoari de manga huha ma ilingi.

1 Samuele 10:1

De ahao o Samuele naga wasoino o saitunu ma hofoko ma minya de wigopoa o Saulu ai mumukuku hiadono yodahahuru ai badanguku. De ahao wibounu de wihingahu wato, “Hokonaa tonibounu de tonihituagi de o minya atingakoka Ma Jouika nena la taniiki Ma Jou o Yawe ai behehongo ngohino. Abe hokonaa todiai la tonihitunguu abe Una wonihiakunoka la wonihidadi to Una ai nyawa o Isiraele ma nyawa manga hihira.

1 Samuele 20:41

Ho ka de o ngofaka gea woiki ai gurutikaka de o Dautu wohupu ai gogogono ma ngiino abe duru imakadateke de o hakaru ma doomu gea. De o Yonatana ai himangoka ma hange o Dautu womaponuku hiadono ai himanga itiki ma tonakuku. De ona yahinooto duru manga dora itagi hiadono manga koongo itifa angamoi kiani yomakitingaka ho yomakokooino yoari-ari de yomahiketehilooa. Ma nako o Yonatana ai huha de o Dautu ai huha ma ka o Dautohi ai hininga duru ihuha.