Dodadi 44:7 - Ma Jou ai Demo-demo o Totobelohoka

⁷ De ona yomademo ato, “Mia baluhu, marai ngomi duru ko mihiorikua ani demo gea ma titi. Adodoa ho nomitae-tae hokogea? De ngomi naa duru miagoungu ko midiaiua hokogea angamoi ngomi naa o nyawa biaha dika ho mihioriki ko idadiua hokogea itorou midiai mia baluhika!

Dodadi 44:7 ပူးပေါင်းရင်းမြစ်များ

Dodadi 35:22

De ma oraha yogogere genangoka o Rubene yomaidu de o ngo Bilaha, ai baba ngoi fekata momatengo o gilaongino. De naga o nyawa abe yahioriki manga howono de gea ma titi iwihingahu o Yakubika. De o Yakubu ai ngofaka o nau-nauru yangimoi de yahinooto hokonaa:

Dodadi 44:6

Ho una womatai-taiti wahiduru, de wadaene, de ona wataere duru waniiki to Yusupu ai demo ho wato, “Done sarakia ngini? Ngomi midiai nginika ma rorahai ho adodoa ho nia balaha ma dorou ngomino? O kia ma titi hiadono ahi baluhu niwidohiki ai mangko o haakaino gea abe wapake ai akere ma ngongokere de ai mamaihi ma ngi? Duru itorou ngini nidiai unangika.” Hokogea wataere onangika.

Dodadi 44:8

Barikua hoka nengokadau mia inomo ma bobangu abe miamake mia karongoka, genangoo de mihigilio ngonaika angamoi mianiiki ma totiai dika. Ho nako hokogea to ngomi mia hininga done sarakia de mianiiki abe ko itiaiua hiadono ani dutu ai haaka eko ai gurasi ai tauoka mimagoraka?

Sosawaro 22:1

Nako ngone kiani homangiriki la o tiwi ma amoko hamake ekola nanga romanga irahai o nyawa manga himangoka, gea koaho nanga romanga ma rahai homangiriki, angamoi ka enangohi de ma utumoka abe ngaro de o gurasi de o haaka ma amoko.

Tobadotoko 7:1

O minya abe ma bounu ihailoa o nyawa yaetongo ato duru irahai. Masara nako ngone howango itiai la homalingiri nanga romanga ma rahai, ka enangohi duru ikurutiye. De ngaro o nyawa yogarago ma titi ngone homaboa, masara koaho nanga romanga ma rahai naga abe ma oraha nanga baha adonoka.

Ibarani 13:18

De naa ngohi togahoko la ngini ka ihikaika niminiata ngomi nenangoka. De ngomi naa mimatailakoka mia hininga de ka idadi mimahingahu abe gea ko imakalawanua de Ma Jou ai mau masara imakiniiki dika to ngomi mia hininga de to Unangoli ai hininga. Angamoi to ngomi mia hininga ma dumutu la ngaro o kia dika naga miato midiai, masara duru mioigo la mia datoro gea itaana de ma rorahai dika. Ho gea togahoko la ngini niminiata la hokogea idadi to ngomi mia wowango ma goronaka.