Dodadi 44:20 - Ma Jou ai Demo-demo o Totobelohoka

²⁰ De ngomi minihingahu miato, ‘Mia baluhu, igoungu mia baba nagahi masara una iwiperekioka de nagahi womatengoli mia dodoto ma baha abe womaboa ma oraha mia baba iwitimonoka. Masara to una ngoi meme ami ngofaka ka yahinooto dika masara ma riaka una gea wohihangoka ho mia baba ai ngofaka manga memeino gea ka unangokahi mia dodoto naa de duru mia baba widora unangika naa.’ Hokogea minihingahu ngonaika.”

Dodadi 44:20 ပူးပေါင်းရင်းမြစ်များ

Dodadi 35:18

Masara o ngo Rahele ka de momangakunu de mohonenge de ngade-ngade ami ngomaha itoaka de motemo mato, “Una naa duru o huha ma ngofaka ho kiani nihiromanga o Ben-oni.” Masara ai baba wato, “Koua, hokogenangua angamoi una ahao duru ahi datekoka ho tihiromanga, ‘Ahi Nirakoka.’” Ho de to ona manga demo o Yakubu wifetongo, “o Benyamini.”

Dodadi 37:19

Abe yato, “Abeika, genanginoka ma Tobabuluhara!

Dodadi 37:3

De nako o Isiraele ai ngofaka ona mata-mataika ma, ka o Yusupohi duru widora angamoi una iwiperekioka ma oraha o Yusupu womaboa. De ma titi duru wisanangi o Yusupika ho wihidoaka unangika ai baju ma gogurutuku de duru irahai.

Dodadi 42:13

De ona yomademoli de yomahideetongo ato, “Ngomi naa ani gilaongo dika, de ngomi igoungu imingimoi de imihinooto de mia baba ka womatengo dika de mia gogere o Kanani ma tonakoka. De naga mia babaka mia dodoto womatengohi ma, ona yomagoo-gogere doka o Kanani ma tonakoka. Masara womatengo mia dodoto una gea ko iwiwaka.” Hokogea yomahingahu de o Yusupoo iwihidetongoka to una ai himangoka.

Dodadi 42:36

De o Yakubu ai ngofa-ngofakika wataere wato, “Ngini naa duru nisosawaro nihihikangela nia baba! Hoka nioigo la niato nimamata! Ihira o Yusupu ko iwiwaka de ahao o Simeonoo unangoo ma ko iwiwa, de naa niato o Benyaminoli niwiao la unangoli niwihihihanga! Ho done sarakia ahi kangela ka ihikaika ngini niodogoli!” Hokogea o Yakubu ai ngofakika wotemo.

Dodadi 42:38

Masara ka de gea woihene de o Yakubu ai hininga ma huha ka idogo dika de wato, “Ngona kiani nototoihene ahi demo naa, ahi ngofaka o Benyamini, ko woikua! To una ai riaka wohonengoka ho ka unangokahi abe ngoi meme ami ngofakino ho ko tihigunoaua! Abeika ahi pea naa iarehoka ho nako unangoo ahao wobodito de ahi hininga ma huha dika de hiadono tohidohonenge!” Hokogea o Yakubu ai hininga ma huha ma demo.

Dodadi 46:21

O Benyamini ai ngofa-ngofaka manga romanga: o Bela, o Bekere, o Asibele, o Gera, o Naamana, o Ehi, o Rosi, o Mupimi, o Hupimi de o Arede.

Dodadi 49:8

Ngona o Yehuda, ahao o higiriiri namake ani gogianongoruino, De ani gogianongoruoo ahao yomakokiponuku ani himangoka. Ani musu ahao nahikala abe ahao manga tomaruku nasouku.

Lukasa 7:12

De abe yomahitigino o kapongo gea ma dadaduhu ma ngoranoka de yamake o nyawa manga ngoe yohupu ma kapongino de yao o goduuru womatengo ai honenge, de manga dumutu la iwilungunu abe manga lungunu ma ngioka. De ma goduuru wohone-honengoka gea o ngo bao ami ngofaka ka womatengo dika, de o nyawa manga ngoe ma kapongino gea yomakiniiki de ngoi meme gea.