Ngone o tau moi hongodumu o redioka hokarajaanga abe nanga gandumu hohidotoino de ma roehe ka ma moi ibooto de ahao hapaki-pakitino o papakiti amomoi. De to ngohi abe tapakitino ena imaokoiye duru imaboo-bootiye masara ti ngini homoi-homoiika abe niapaki-pakitino gea ena ikokiboa to ngohino de akilolitino de imaponu-ponuku to ngohi ahi papakitika.” Hokogea o Yusupu ai buluhara ma ade-ade.
Dodadi 44:16 - Ma Jou ai Demo-demo o Totobelohoka16 De o Yehuda wipaluhu o Yusupika wato, “Mia baluhu, done sarakia de ngomi ani gogilaongo naa de mimademo miato ko iwa abe miahowono ngonaika. Abe hokokia ngomi mimahitaana abe ko midiaiua? Naa duru itararono Ma Jou womihohowono ani gogilaongo ngomi naa ma titi Una wakokimakeoka to ngomi mia howono. Ho naa miboali mia baluhino la nomihidadi ani gogilaongo ngomi ka ma moi de mia dodoto abe to una ai karongoka ani duduhunu wamake to ngona ani mangko gea.” Hokogea dika o Yehuda wotemo. အခန်းကိုကြည့်ပါ။ |
Dodadi 44:16
25 ပူးပေါင်းရင်းမြစ်များ
De ipaha o Yusupu wobuluharoli de ai buluhara ma titi enangoo wahingahu ai ria-dodotika wato, “Marai ngohi ka tobuluharokali de hokonaa ahi buluhara: gea tamake o wange, de o mede, de o murumu ngimoi de moi ikokiboa ngohino de ahao ena mata-mata gea de ma horomati ngohino hiadono imaponu-ponuku ahi himangoka hiadono itiki o tonakuku. Hokogea ahi buluhara.”
Ho naa ngaro ka notailako dika mia kiahonanga homoi-homoiika de nako ngona ahao namake ani dutu ai mangko gea, ngaro to onaguna dika ai kiahonangoka abe genangoka namake ani baluhu ai kiahonanga gea, de una abe womagoraka ka idadi una gea nihohonenge. De ngomi utu nomihikokidadi ani baluhu ai gogilaongo ngaro ka hiado-adonika de ngaro ko iwa mia gaji.” Hokogea o Yusupu ai ria-riaka yopaluhu de o hidungono ma demo.
Ho naa o redi ma dutu woigo winileha ngini abe nimanoa o Yudea ma tonakoka de to ena ma kota ma mayo o Yerusaleemoka. De gea winileha wato, “Ngini naa niihenoka ahi gurubungu ma ade-ade, ho nia putuhu sarakia? Ma howono imanoa o kiaka hiadono ma hofoko ma suka-suka dika tamake? Gea imanoa Ngohi o redi ma dutuoka, ekola ahi angguru ma redioka abe ihowono? Nako ngini sarakia?”
Angamoi nako ngone hahohowono o nyawa utuika gea, de ahao Ma Jou Unangoo wonahohowono ngone. De abe ma oraha niatailako de niahohowono o nyawa utuika de nia hininga ma duduga o kia dika ngini niapake la niato ka idadi niahohowono ona gea, duru nia hininga ma duduga ena gea abe Una ma oraha nginika winitailako de wapake winihohowono.”
Masara o Isiraele ma nyawa gea Ma Jou o Yawe ai behehongo onangika yao ko itiaiua abe o Yeriko ma nyawa manga kiahonanga mata-mata ona kiani iwidingakoka Unangika. Ma Jou wato ena gea kiani yahihuba Unangika de o bobinaaha, masara naga womatengo ai romanga o Akana, una ko wohingounua Ma Jou ai behehongika. Abe ngaro ma kiahonanga gea kiani ona iwidingaka Ma Jouika masara naga utu o Akana gea womagorakoka. O Akana gea o Isiraele ma nyawa abe womahidutu o Yehuda ma dutuika de ai baba o Karami. De o Karami ai babali o Sabadi, de o Sabadi to una ai babali o Sera ho o Akana wokuwewete o Seraika. De ona gea mata-mata o Yehuda ai toforauku yadaene abe una o Isiraele ma nyawa manga dutu moi abe ona o dutu yangimoi de yahinootoino. De naa o Akana womagoraka o Yeriko ma kiahonangino abe kiani idadi manga huhuba Ma Jouika ho Ma Jou ai ngamo duru itagi ihauku o Isiraele ma nyawaika ma titi gea o Akana wodiaioka. Masara o Isiraele ma nyawa utu ko ihiorikuahi ma titi to Akana ai howono gea. De gea o Yeriko ma nyawa yahikalaka ho ona ato naa ka idadi yogila-gila o Kanani ma nyawa yahikala mata-mataika.
De ahao o Yosua wahuloko la o nauru mata-mata abe manga fam Sabadi la homoi-homoi manga nau-nauru yomakawalimi yoboa Ma Jou ai himangino de gea Ma Jou ai hidumutu adaene o Akanika. O Akana una gea to Karami ai ngofaka, de o Karami una gea to Sabadi ai ngofaka, de o Sabadi una gea to Sera ai ngofaka de ona mata-mata gea o Yehuda ma dutuino. De hokogea Ma Jou o Yawe ai hiaturu o Isiraele ma nyawa mata-mata yaniiki la hiadono iwimake una gea abe wahowono o Yeriko ma kiahonanga womagoraka.
De iwidiai hokogea ipaha de ma koano gea wotemo wato, “Igoungu ma dihiraino de ma moiokau ngohi tahuloko ahi nyawa la o kokoano manga hagaraara ma ayo manga giamoka de manga louoka yafokoka. Abe naga o koano yamoritumidi ngohi tataokinoka de duru hokogea tadiai onangika, de gea ipaha de ona kiani yolomo o inomo ma hou-hou dika abe ioatakuku ahi mejaka de auku. Ho naa duru itararono ngohino abe Ma Jou wohihibalaha ahi datoro gea.” De ahao ona iwiao ma koano gea o Yerusaleeme ma kotaika, de ipahaino de una wohonenge genangoka.
ကြော်ငြာတွေ