Dodadi 43:23 - Ma Jou ai Demo-demo o Totobelohoka

²³ De ahao una wohiatu-aturu gea wapaluhu onangika wato, “Ngini naa ngaro ufa nihawana de ufa nia hininga ihuha ma titi ma tiwi gea abe o inomo ma bobangu. De angamoi ma inomo ma tiwi gea ena ngohi tamakeokau. Ho marai ti ngini nia Jou, abe nia totofora manga Jou, gea Una wohiaturoka la nia tiwi naga genangoka nia karongo ma goronaka.” Hokogea wahingahu onangika ibooto de ahao manga ria-dodoto o Simeono wihihupu de wingotaka onangika.

Dodadi 43:23 ပူးပေါင်းရင်းမြစ်များ

Dodadi 42:24

Ho ka de woihene manga demo gea de ai koongo imulaenge itifa ho womadohuku womalingiri ma ngi la genangoka womahidutulukino de woari. Gea woari ibootino de ahao wagilioli onangino de ma hohutulu watemoli onangika. De ahao wiiriki ai riaka o Simeono onangino de wahuloko ai gogoanika la una iwipakitoka duru ai ria-dodoto manga himangoka.

Dodadi 42:28

De iwitodokana wato, “Abeika naa! Ahi gandumu ma tiwi ena nenanga! Adodoa ho hiadono naga ahi karongo ma goronaka?” Ka de gea yamake de ona duru yokokihawana, de yomakokeleha, ato, “Maraioka naa Ma Jou wonahohowono eko o kia ma titi?” Hokogea yotemo de manga hawana dika hiadono yofafara.

Dodadi 42:36

De o Yakubu ai ngofa-ngofakika wataere wato, “Ngini naa duru nisosawaro nihihikangela nia baba! Hoka nioigo la niato nimamata! Ihira o Yusupu ko iwiwaka de ahao o Simeonoo unangoo ma ko iwiwa, de naa niato o Benyaminoli niwiao la unangoli niwihihihanga! Ho done sarakia ahi kangela ka ihikaika ngini niodogoli!” Hokogea o Yakubu ai ngofakika wotemo.

Dodadi 43:14

De ngone duru honganono la Ma Jou Wokokurutiye winiduhunu la ma oraha niwihimanga o Mesiiri ma popareta gea de una winisanangi nginika hiadono o Simeono wihigilio nginika de o Benyamini ko witumungua genangoka la ka idadi ngini nikokilioli nenangino. Masara nako yohonenge de gea ahi hininga ma huha ngaro kohadubuho masara ka tamoku dika.” Hokogea o Yakubu ai behehongo o Yehudaika de ai ria-dodotika.

Dodadi 43:22

Ho gea mimahilooa mia baluhu ngonaika, de naa ngomi miboa la mihigilio ma tiwi gea ngonaika de naga mia tiwi utuohi mimagao la ka idadi nia inomo mimahijali. Ho duru mimahilooa mia baluhu!” Hokogea iwihingahu unangika.

Lukasa 10:5

De wogila-gilali wahibehehongo wato, “De nia dodagioka abe nimahiadonoka o kapongo eko o kota moiika, onagona dika iniahoko la nimanoa onangoka, ka de niwohama manga tauika gea de niagahoko ma owa Ma Jouika ma titi ona gea la Una wahiowa manga wowangoka de o hininga ma miriidi.

Lukasa 24:36

De abe ma oraha ona yahinooto yoade-ade manga gogiriakahi manga dodiawoika de ka itodokanino de o Yesusu naga womaokoino manga hidogoronaka. De Una wotemo onangika wato, “Nia hininga ngaro ka iriidoka!”

Yohanese 14:27

“De naa ahi hidoaka nginika gea o dame, gea to Ngohi ahi dora ma dame tinihidoaka nginika. Ahi hidoaka gea ko imakadaenua abe hoka niamake o duniaka. Ho ngaro ufa nimahigunoa nia hininga ma dumutu o huhaika, de abe ahao niaohana ngaro ufa niomodongo genangika.”

Yohanese 20:19

De duru o wange gea o Gareja ma wangeoka abe ahao ifutuku, de o Yesusu watutumu ona abe naa ma dekana iwitobaniiki. O futu gea ona yomatoomuino o tau moioka de angamoi yamodongo o Yahudi ma nyawa manga balu-baluhika ho o tau ma ngorana yakokikusioka. Masara ka itodokanino de o Yesusu naga o tau ma goronaka gea, womaokoino manga hidogoronaka de walaru onangika wato, “Ngini koaho nigaragoka, angamoi naa ahi hininga ma miriidi niamakeoka!”

Yohanese 20:21

De o Yesusu wohigalioli walaru wato, “Ngini koaho nigaragoka angamoi ma oraha naa ahi hininga ma miriidi niamakeoka! De imaketero hoka o Baba wohihidingoto Ngohi la o nyawa tahingahu-ngahu ai demo-demo onangika, hokogenangoli nginioo naa tinihidingoto.”

Yohanese 20:26

De naa ma futu tumidi ipahaika ho o Gareja ma wangeokali abe ifufutukuoli. De ona abe iwitobaniiki o Yesusu yongodumu yomatoomuinoli o tauoka gea de o Tomasa unangoo naga onangoka. De ngaro yomahidukusiokahi ma goronaka masara ma moioli o Yesusu woboa de womaokoino manga hidogoronaka de wotemo wato, “Ngini koaho nigaragoka angamoi naa ahi hininga ma miriidi niamakeoka!”

Hihira 6:23

De Ma Jou o Yawe witemo unangika wato, “Ngaro ka nogaragoka de o dame namakeoka ho ufa nohawana angamoi ngaro hokogea nohimakeoka masara ngona ko nohonengua.” Hokogea Ma Jou o Gideono wihiriidi ai hiningaka.

1 Samuele 25:6

De hokonaa o Dautu ai demo unangika, wato, “O Nabala, ngohi tonganono la ngona de ani tau mata-mataika niamake o hininga ma miriidi de ma rorahai dika nginika!