Dodadi 42:6 - Ma Jou ai Demo-demo o Totobelohoka

⁶ De mangale naa o Yusupu wodadioka o Mesiiri ma tonakoka manga hidimono wokokurutiye ho una dika wofuku-fukunu ma inomo o nyawa mata-mataika. Ho o Yusupu ai ria-riaka o Mesiirika yomahiadonoka de yoboaino o Yusupino de manga horomatioka yomaponu-ponuku ai himangoka.

Dodadi 42:6 ပူးပေါင်းရင်းမြစ်များ

Dodadi 18:2

De o Abarahaama womaboaiye de iwitodokana abe naga ko yokurutikaua Ma Jou o Yawe de o malaekata yahinooto masara manga rupa duru hoka o nyawa o nauru yahange yomaokoino genangoka. Ka de yahange gea wamake de o Abarahaama ai ngoranoka wosoboka la womataiti wabuhuku. De gea wabuhuku de ai horomati ho manga himangoka de womaponuku hiadono ai pea itiki ma tonakuku.

Dodadi 19:1

Duru o wange ilobioka de ahao o malaekata yahinooto gea yomahiadono o Sodomo ma kotaika. De o Sodomo ma kota yakurungaka abe ma dadaduhu yodiai o hakaruino la ihigilolitino. Ho ona yahinooto yoboa o kota ma dadaduhu ma ngoranino. De o Loti naga wogogeruku o ngoranoka gea ma datekoka abe genangoka o kota ma dimo-dimono biaha yogogeruku. Ho o Loti wamake o malaekata yahinooto gea yoboaino. De womaokoino de wabuhuku de ai horomati abe womaponuku hiadono ma tonakuku itiki ai pea.

Dodadi 33:3

Hokogea watatoro ibooto de ahao o Yakubu una wohira-hira womabole-bole wotagi ai riakika wibuhuku. Ka de ma oraha wotigioka unangika de o Yakubu duru de ai horomatioka womaponuku ma tumidino hiadono ai pea itiki o tonakuku o Esau ai himangoka.

Dodadi 41:43

De ahao o Firaunu wahokino ai goroba moi abe ngade-ngade hoka to unangoli de wihibarene o Yusupu ai gorobauku gea. De naga o gogoana yamuruono naga iwihihira-hira o goroba ma himangika de yokokiboaka o nyawa mata-mataika la ona iwihidagi-dagi yopoa-poaka ato, “Niatotilabukuku! Niatotilabukuku!” Hokogea yodiai la manga nyawa mata-mataika ihitunguu manga horomati o Yusupika. Hokogea o Firaunu wigoraka o Yusupu la wihidadi ai hiaturu ma demo ma dodofanga abe duru de ai kuahaka hiadono naa una dika mata-mataika wahipareta o Mesiiri ma tonakoka.

Dodadi 41:54

De adonokali o taongo tumidoli abe o tonaka ma hasili ko iwa ho idadi duru imaketero abe hoka ma dihira o Yusupu wahingahuoka. De o tonaka mata-mataika o nyawa yakokihafini mangale ma titi o hiwara ikiriaholi hiadono o nyawa manga datomo ko ihofokokaua. Masara o Mesiiri ma tonakoka naga o inomo ma ngoe abe ka ma dihirahi de yagogonoka.

Dodadi 41:57

Masara ko o Mesiiri ma tonakokaua dika, ho hiadono o nyawa abe o tonaka mata-mataika yakokihafini. Ho o tonaka mata-mataino naga o nyawa yoboaino la ka idadi manga inomo yomaija o Yusupoka.

Dodadi 44:14

De o Yusupu nagahi ai tauoka ma oraha yoboainoli de o Yehuda wahihira-hira ai roria-dodoto de ona yatilabukuku ai himangokali hiadono manga pea itikiuku ma meheluku.

Dodadi 45:26

Ka de yomahiadonoka de iwihitodokanika manga babaika ato, “O Yusupu ka wowangohi! De unangoo iwigoraka la wodadi manga popareta ma hidimono hiadono wapareta o Mesiiri ma tonaka mata-mataika.” Gea woihene de duru o Yakubu iwitodokana de marai ko wangakua manga ade-ade.

Dodadi 45:8

Igoungu, ko nginiua nihihidingoto ngohi nenangino masara Ma Jou wohihidingotino. De Una wohihidadi la ngohi naa o Firaunu duru wohingaku imaketero hoka o ngofaka wingaku ai babaika. Hokogea Ma Jou wohihidadi o hihira o Mesiiri ma tonakoka naa hiadono manga popareta mata-mataika ahi kuahaka ka hiadono o Firaunu ai tauikaoo igogere to ngohi ahi hiaturoka.”

Dodadi 48:12

De ahao o Yusupu ai ngofa-ngofaka wahirehene manga ete ai himangino de ahao de ai horomati ma gahumu womaponuku ai baba ai himangoka ka hiadono ai pea itiki o meheluku.

Sosawaro 11:26

De nako o hafini ma goronaka de o nyawa ka yoluku yofukunu manga pine ma hasili utuika, gea ahao manga dodiawo duru yagurubungu onangika. Masara ona abe yosanangi yofukunu dika manga boloiino, o nyawa ahao yasanangi de yahigiriiri onangika gea.

Hidingoto 7:10

de witobaduhunu ai kangela mata-mataino. De Ma Jou wokarajaanga o Mesiiri manga koano ai hiningaka la ma koano duru wisanangi o Yusupika, de nagali abe Ma Jou wihiowa o Yusupu la ai sosawaro duru o fara moi. Ho ma bahauku de ma koano gea wigoraka la o Yusupu wodadi o Mesiiri ma nyawa manga haeke wokokurutiye. De hongoli wihitagongo o Yusupika la wohiaturu ma koano ai tau ma karajaanga mata-mataika.”

Himatoko 3:9

De gea abe Ngohi tohiaturu la ona o Ibilihi ma haeke ma doomuino abe ma oraha naa ona inihikangela, ahao ona gea yoboa nginika de kiani inihoromati nginika. De gea ona abe yoelu-eluku de yomahiromanga ato o Yahudi ma nyawa, masara ona gea ko o Yahudi ma nyawa ma gou-goungua, angamoi o Ibilihi ma haeke ona yanii-niiki. Ho abeika nitotoihene! Ngohi ahao tohiaturu la ona gea ko idadiokaua inihikangela, masara gea ahao yoboa de yomamotumuku nia himangoka, de ma oraha gea ona ihioriki abe ngini gea Ngohi duru tinidora nginika.”

1 Samuele 20:41

Ho ka de o ngofaka gea woiki ai gurutikaka de o Dautu wohupu ai gogogono ma ngiino abe duru imakadateke de o hakaru ma doomu gea. De o Yonatana ai himangoka ma hange o Dautu womaponuku hiadono ai himanga itiki ma tonakuku. De ona yahinooto duru manga dora itagi hiadono manga koongo itifa angamoi kiani yomakitingaka ho yomakokooino yoari-ari de yomahiketehilooa. Ma nako o Yonatana ai huha de o Dautu ai huha ma ka o Dautohi ai hininga duru ihuha.