Dodadi 42:5 - Ma Jou ai Demo-demo o Totobelohoka

⁵ Ho o Yakubu ai ngofa-ngofaka yangimoi gea yoiki o Mesiirika yomalingiri o inomo. De naga manga ngoe o nyawa o tonaka utuino onangoo yokokiboa o Yusupika angamoi o Kanani ma tonakokaoo ko iwaka manga inomo.

Dodadi 42:5 ပူးပေါင်းရင်းမြစ်များ

Dodadi 12:10

De gea yogogere o Negebe ma tonakoka, ma, ipaha naga o hiwara ma dekanino hiadono o hafini idadi o Negebe ma tonakoka. Ho o Abaraama womaputuhu wato yoiki doka o Mesiiri ma tonakika la ka idadi yogogere jai-jai genangoka angamoi o hafini duru kohagiria.

Dodadi 26:1

Naa idadiokali naga o hiwara ma dekanino o tonakoka abe o Isaka wogogere genangoka ho naga o hafini imaketero hoka ma dihirali abe ma oraha ka o Abarahaamohi. De ma titi o hafini gea hiadono o Isaka woiki doka o Gerara ma tonakika abe genangoka o Abimeleke wahikoano o Filistina ma nyawa.

Dodadi 41:54

De adonokali o taongo tumidoli abe o tonaka ma hasili ko iwa ho idadi duru imaketero abe hoka ma dihira o Yusupu wahingahuoka. De o tonaka mata-mataika o nyawa yakokihafini mangale ma titi o hiwara ikiriaholi hiadono o nyawa manga datomo ko ihofokokaua. Masara o Mesiiri ma tonakoka naga o inomo ma ngoe abe ka ma dihirahi de yagogonoka.

Dodadi 41:57

Masara ko o Mesiiri ma tonakokaua dika, ho hiadono o nyawa abe o tonaka mata-mataika yakokihafini. Ho o tonaka mata-mataino naga o nyawa yoboaino la ka idadi manga inomo yomaija o Yusupoka.

Hidingoto 11:28

De manga doomu ma goronaka de naga womatengo onangino abe ai romanga o Agabusu, de una womaokoino manga hidogoronaka la wahingahu onangika o demo moi abe wamake Ma Jou o Womahino. De ai hingahu ma demoka de wotemo wato ahao o hafini duru ma amoko iboaino de yadaene o tonaka ma amokika gea. De igoungu ma hafini ahao idadi abe ma oraha o Kalaudiusu wahikoano o nyawaika.

Hidingoto 7:11

“Masara ipahaino de o hafini duru kohaamoko idadi o Mesiiri ma tonakoka de o Kanani ma tonakokaoo yadaene, ho nanga totofora o Kanani ma tonakoka duru yokangelaka ma titi manga inomo amataka.