Dodadi 42:19 - Ma Jou ai Demo-demo o Totobelohoka

¹⁹ Ho kiani nihihibehehongo ngohino niato ahi hiaturu gea nianiiki de hokonaa tinitailako nako ngini niagoungu nianiiki eko koua. Abe naa ngini utu ka idadi tinihigunoa la nilio nia inomo nimagao nia tau homoi-homoiika masara womatengo nginioka una ngohi titumungu naangoka ka hiadono niboali nenangino.

Dodadi 42:19 ပူးပေါင်းရင်းမြစ်များ

Dodadi 41:56

De angamoi ma hafini naa yadaenoka mata-mataika o Mesiiri ma nyawa, ho o Yusupu manga inomo abe ka ma dihirahi de yagogonoka naa womulaenge wohihupu onangika. O gandumu gea wafukunu o Mesiiri ma nyawaika angamoi o hafini gea duru kohagiria manga tonakoka.

Dodadi 42:11

De ngomi miboaino naa ka o roria-dodoto dika mata-mata naa. De ngomi naa minihingahu ngonaika mia demo duru ma gou-goungu dika de mia baba ka moi. De ngomi ko minielu-elukua de ko o nyawa manga huhulokua ngomi naa ho ko ma titiua miatailako o tonaka naa.” Hokogea ai ria-riaka yomademo unangika.

Dodadi 42:18

O wange hange ipahaika de o Yusupu watutumu ai ria-riakika de wahingahu onangika wato, “Ngohi naa duru de ahi horomati Ma Jouika. Ho hokonaa ahi behehongo nginika, tato ngini naa nako nianiiki ahi hiaturu de ka idadi ngohi tinihigunoa niwango.

Dodadi 42:20

Masara ngini naa abe nilio kiani ahao niagoungu ahao niboali nenangino abe nako nia dodoto ma baha gea ko niwiaoua ngohino, de ahao tinihioriki abe ko niagou-goungua nihibehehongo ngohino. Ma nako gea una niwiaoino nenangoka de ahao tinihioriki abe niagoungu de ngohi ko tinihohonengua. Hokogea tinihibehehongo.” O Yusupu ai demo gea yoihene de iwihingahu unangika ato ai behehongo gea yaniiki.

Dodadi 42:26

Ho manga gandumu gea ihibarene manga keledai homoi-homoiuku de yosobo yolio manga tonakika.

Dodadi 42:33

De ahao una manga baluhu gea wato, ‘Hokonaa tinitailako la tinihioriki nako nia demo gea igoungu eko koua: kiani womatengo nginioka niwinoaikahi nenangoka de nilio nia inomo nimakokigao nia tau homoi-homoiika.

Dodadi 45:23

De naga o Yusupu ai hidingoto ai babaika o keledai ngimoi abe ihibarenuku de o kiahonanga irupa-rupa duru ma rorahai abe o Mesiiroka ma kiahonanga, de gea yao o Kanani ma tonakika. De nagaoo o keledai ma beka ngimoioli abe ihibarenuku de o Yusupu ai baba ai inomo abe iwitotaka unangika la ena gea iwihibilaono ma oraha ai dodagika ma inomo.

Yesaya 42:7

De abe ona manga lako yahorioka gea nahitogumu la ka idadi yomahioriki, de onagona dika yabuioka o bui ma tau ma goronaka ho yomanoa o fufutuoka dika, ona ka idadi nahihohe de nahihupu ma rorahaiika.” Hokogea Ma Jou o Yawe wihuloko de wihitagongo ai Huhulokika.