Dodadi 42:1 - Ma Jou ai Demo-demo o Totobelohoka

¹ De o Yakubu o Kanani ma tonakokahi wogogere de onangoo yadaene o hafini gea. Ho ka de o Yakubu woihene bari naga o gandumu o Mesiiroka, de wotemo ai ngofa-ngofakika wato, “Adodoa ho ngini nenangokahi bowahu ka nimaketedamaanoka dika de ko niloikua?

Dodadi 42:1 ပူးပေါင်းရင်းမြစ်များ

Dodadi 41:54

De adonokali o taongo tumidoli abe o tonaka ma hasili ko iwa ho idadi duru imaketero abe hoka ma dihira o Yusupu wahingahuoka. De o tonaka mata-mataika o nyawa yakokihafini mangale ma titi o hiwara ikiriaholi hiadono o nyawa manga datomo ko ihofokokaua. Masara o Mesiiri ma tonakoka naga o inomo ma ngoe abe ka ma dihirahi de yagogonoka.

Dodadi 41:57

Masara ko o Mesiiri ma tonakokaua dika, ho hiadono o nyawa abe o tonaka mata-mataika yakokihafini. Ho o tonaka mata-mataino naga o nyawa yoboaino la ka idadi manga inomo yomaija o Yusupoka.

Dodadi 42:2

Ngohi toihenoka bari naga o gandumu o Mesiiroka, ho kiani ngini niloiki doka o Mesiirika la ninaija nanga inomo la ufa hohonenge.” Hokogea manga baba o Yakubu wahuloko onangika.

1 Kokoano 19:3

Ka de gea o Elia ami demo woihene de duru womimodongo ho womataiti woara done wohonenge! De ihira woiki Bereseba ma kotaika abe naga o Yehuda ma tonakoka de ai gilaongo winoaika genangoka.

Huhupu 20:18

Ka de o nyawa mata-mata gea yoihene ma kuruuhu de o guguli ma ilingi kohaamokiye gea, de yamake o leletongo de ma loku yahawoka de o nofo hokogea, de duru yokokihawana ka hiadono yokokifafara ho yomatingaka ma gurutika.

Huhupu 5:19

Ka de yoihene abe manga tela gea kiani hoka ma dihirali ma ngoe de duru yohuha ho o Firaunu ai tauino yohupuoka o Isiraele ma nyawa gea abe yahiatu-aturu manga karajaangoka.

Hidingoto 7:12

De ahao o Yakubu woihenino abe o Mesiiroka nagahi o inomo yofukunu, ho wahidingoto ai ngofa-ngofaka la yomaija ma inomo genangoka.

Galatia 2:7

De ona o gareja ma hihira ihiorikoka abe gea Ma Jou wohihitagongokau la wato ngohi o Abari ma Rorahai tahiabari ona ko o Yahudi ma nyawaikaua. De gea imakadaene hoka o Peturusoli abe unangika gea Ma Jou wihitagongoka la wato o Yahudi ma nyawaika una wahingahu-ngahu.

Yosua 7:10

De Ma Jou o Yawe wotemo o Yosuaika wato, “Yosua, nomomikiye! Ngona nododoa nomamotumuku ahi himangoka hokonaa?