Dodadi 41:57 - Ma Jou ai Demo-demo o Totobelohoka

⁵⁷ Masara ko o Mesiiri ma tonakokaua dika, ho hiadono o nyawa abe o tonaka mata-mataika yakokihafini. Ho o tonaka mata-mataino naga o nyawa yoboaino la ka idadi manga inomo yomaija o Yusupoka.

Dodadi 41:57 ပူးပေါင်းရင်းမြစ်များ

Dodadi 12:10

De gea yogogere o Negebe ma tonakoka, ma, ipaha naga o hiwara ma dekanino hiadono o hafini idadi o Negebe ma tonakoka. Ho o Abaraama womaputuhu wato yoiki doka o Mesiiri ma tonakika la ka idadi yogogere jai-jai genangoka angamoi o hafini duru kohagiria.

Dodadi 41:54

De adonokali o taongo tumidoli abe o tonaka ma hasili ko iwa ho idadi duru imaketero abe hoka ma dihira o Yusupu wahingahuoka. De o tonaka mata-mataika o nyawa yakokihafini mangale ma titi o hiwara ikiriaholi hiadono o nyawa manga datomo ko ihofokokaua. Masara o Mesiiri ma tonakoka naga o inomo ma ngoe abe ka ma dihirahi de yagogonoka.

Dodadi 41:56

De angamoi ma hafini naa yadaenoka mata-mataika o Mesiiri ma nyawa, ho o Yusupu manga inomo abe ka ma dihirahi de yagogonoka naa womulaenge wohihupu onangika. O gandumu gea wafukunu o Mesiiri ma nyawaika angamoi o hafini gea duru kohagiria manga tonakoka.

Dodadi 42:1

De o Yakubu o Kanani ma tonakokahi wogogere de onangoo yadaene o hafini gea. Ho ka de o Yakubu woihene bari naga o gandumu o Mesiiroka, de wotemo ai ngofa-ngofakika wato, “Adodoa ho ngini nenangokahi bowahu ka nimaketedamaanoka dika de ko niloikua?

Dodadi 42:5

Ho o Yakubu ai ngofa-ngofaka yangimoi gea yoiki o Mesiirika yomalingiri o inomo. De naga manga ngoe o nyawa o tonaka utuino onangoo yokokiboa o Yusupika angamoi o Kanani ma tonakokaoo ko iwaka manga inomo.

Dodadi 42:6

De mangale naa o Yusupu wodadioka o Mesiiri ma tonakoka manga hidimono wokokurutiye ho una dika wofuku-fukunu ma inomo o nyawa mata-mataika. Ho o Yusupu ai ria-riaka o Mesiirika yomahiadonoka de yoboaino o Yusupino de manga horomatioka yomaponu-ponuku ai himangoka.

Dodadi 43:1

De o hafini kohagiriakaholi o Kanani ma tonakoka angamoi o hiwara kohadekanino o tonaka mata-mataika.

Dodadi 47:14

Ho o nyawa mata-mataika kiani o Yusupino manga inomo yomaija hiadono yamataka manga tiwi. De o inomo ma bobangu ma tiwi mata-mata o Yusupu watoomuino de gea ahao wagogono o Firaunoka abe ai tiwi ma ngi-ngioka.

Dodadi 50:20

Igoungu, ma dihiraino ngini nihihidee niato nidiai duru itorou ngohino, masara Ma Jou ai mau la ma dorou gea wohikawalimi la idadi ma owa. Ho wohiaturu la ngohi tamake ahi karajaanga naa abe de ma kuahaka la o nyawa duru ko manga ngoe ka idadi taduhunu hiadono naa ka yowangohi.