Dodadi 41:51 - Ma Jou ai Demo-demo o Totobelohoka

⁵¹ De ma oraha manga ngofaka o riaka womaboa de o Yusupu wotemo wato, “Ma Jou wohiduhunoka hiadono ka idadi ahi kangela takokiwohangoka de ngaro onangoo ahi baba ai tauoka ma, onangoo ko tahohiningakaua.” Ho ma titi gea wapake la ai ngofaka o domoro gea wihiromanga, “o Hiwohanga” abe to ona manga demo, “o Manase.”

Dodadi 41:51 ပူးပေါင်းရင်းမြစ်များ

Dodadi 41:30

Masara ka de o taongo tumidi gea ipaha de ahao o taongo tumidinoli ma dekana o Mesiiri ma tonaka ma hasili o datomino duru ahao ko iwaka. De gea ikiriakaholi hiadono ngone ko hohiningakaua abe ma dihiraino o inomo ma ngoe-ngoe o Mesiiri ma tonakoka naa. De gea ahao hawohanga angamoi o hafini kohagiria de hiadono ani tonaka ma amokika duru ihibinaahaka.

Dodadi 41:50

De ma oraha gea, abe ma taongo tumidi o inomo kohangoe gea, o Yusupu de ngoi fekata o ngo Asenata yamake manga ngofaka o nauru yahinooto.

Dodadi 41:52

De ai ngofaka o dodoto wihiromanga, “o Totohofoko,” abe to ona manga demo “o Efaraimi” angamoi ma oraha womaboa o Yusupu womahingahu ai hiningaka wato, “Ma Jou wohiaturu la ahi wowango de ma utumoka ngaro ahi kangela ma ngoe o tonakoka naa.”

Dodadi 48:1

De ipaha o wange moiuku naga iwihingahu o Yusupika ato, “Marai ani baba ai buturungu ihihanga hoka iwigogama.” Ho ka de woihene hokogea de o Yusupu woiki ai baba witutumu de ai ngofakoo o Manase de o Efaraimi onangoo wao.

Dodadi 48:5

“Ho nako to ngona ani ngofaka o domoro de ai dodoto abe ko ahi himangokaua de yomaboa angamoi ngohi ko ihiwainohi o Mesiiri ma tonakino naa de ona yomaboakau, ona gea taetongo ahi ngofaka idodutu. Abe imaketero hoka o Rubene de o Simeono to ngohi ahi ngofaka idodutu, hokogenangoo o Efaraimi de o Manase. Ho ma oraha gea ahao o Kanani ma tonaka yomaregu de onangoo yamake o regu homoi-homoiino. De nako ngona ahao namakeoli ani ngofaka de ona gea ahao ka idadi haetongo to ngona ani ngofaka idodutu masara manga gogere o Kananioka gea o Efaraimi de o Manase manga tonakoka.

Higiriiri 30:5

Angamoi nako Una wonangamo, gea ka jai-jai dika de ipahaka, masara to Una ai hininga ma owa duru inahiutumu ka hiado-adonika! Ho ngaro o fufutuoka de o huha de o gari inatutumu, masara ma dawangeino de o gogarago imahilaku nanga hiningaka!

Yesaya 57:16

Angamoi Ngohi naa ahi ngamo nginika ko ihikaikaua itagi, de ahi dadae ma demo nginika naga de ma batingoka. Abe nako hoka ko iwa ahi ngamo ma batingi, gea de ahao o nyawa manga womaha ka ikokitoaka dika, de ona mata-mata tatulaadauku manga womaha agorakoka.”

Higalioli 33:17

De ai totoforauku gea to ona manga kuaha duru ma hohailoa, de nagali abe ona duru de manga bobuturungoka. De mangale ma titi manga buturungu gea hiadono duru yolaku-laku, abe ngaro o homoa ma nyawa mata-mata ma ona ka idadi yahikala manga musuika gea. De hokogea ahi hiowa ma demo o Efaraimi de o Manase ma nyawaika, abe o Manase manga ngoe ona duru yosana, masara nako de o Efaraimi ma nyawa ka onangohi duru yowoeholi.”

1 Samuele 1:20

Ho ami gahe adonoka de muna mamake ami ngofaka hoka momagahokoka. De ma oraha momagerewoto ami ngofaka o nauru de mihiromanga o Samuele angamoi mato, “Ngohi tomagahoko Ma Jou o Yaweiye la una ahi ngofaka naa tamake.”