Dodadi 41:34 - Ma Jou ai Demo-demo o Totobelohoka

³⁴ De nairikoo o balu-baluhu la ona yagogono ma inomo abe o taongo tumidino ma oraha naga o inomo kohangoe. Abe o redi ma hasilino hoka o pine, o gooko, o boteme de o gandumu mata-mataika o Mesiiroka, ona kiani yaregu motoa. Hokogea kiani yodiai la o regu iata o kokawaaha yapake de o regu moi ona ihiatu-aturu yale la yagogono o inomo gea.

Dodadi 41:34 ပူးပေါင်းရင်းမြစ်များ

Dodadi 41:33

De ahao o Yusupu wihingahuoli o inomo ma hiaturu wato, “Ho ngona o Firaunu, kiani nilingiri o nyawa moi abe duru wososawaro de nihitagongo la una gea ma inomo wohikaaturu o Mesiiri ma tonaka ma amokika.

Dodadi 41:35

De o inomo mata-mata abe ona yaleino o tao-taongiye abe ma oraha o inomo kohangoe ahao yagogono. De o inomo ma gogogono ma ngi ma ngoe abe yapake kiani imanoa to ngona o koano ani kuahaka. Hokogea ihingohama o inomo ma gogogono ma ngi-ngiika la ngaro ma oraha o redi ma hasili ko iwaka masara naga nanga inomo o Mesiiri ma kota mata-mataika.

Dodadi 47:24

De abe iwangoiye nako hiadono naga ma hofoko de niautuku ibooto de ahao kiani niaregu motoa. De o regu moi o Firaunu ai redi ma hasilino gea wale. Masara nagahi ma regu iata abe idadi ti ngini nia inomo de to ona manga inomo abe yogogere nia tauoka la nia ngofa-ngofakoo yamake manga inomo. De utu niapake la idadi ti ngini nia bibiti abe niafaatoli.” Hokogea o Yusupu wahiaturu ai kokawaahaika.

Dodadi 47:26

De o hiregu ma hiaturu gea ko ihihangua angamoi o Yusupu wohitulihuku la idadi o pareta moi o Mesiiri ma tonakoka. Abe manga pareta gea itemo, “Onagona dika yodatomo o joro ka de ma oraha ma hasili yaleino de kiani yaregu motoa la o regu moi iwihidoaka manga koanoika de ma regu iata gea to ona.” De ma pareta gea ka yapakeohi ka hiadono o wange naa. Ho ma oraha gea o Mesiiroka, ona abe de manga tonakokahi, gea ona manga hidemo dika abe o Mesiiri ma nyawa yahidemo manga popangaoika. Ka ma hou to onangokahi abe ngaro ufa dika de manga inomo yomahituruuru de manga tonaka.

Higiriiri 33:19

Abe gea wonaduhunu la ufa hobodito, de ngaro o hafini ma amoko ma ka idadi wonahidailako.

Lukasa 16:5

“De una gea wahokino ona homoi-homoi abe naga de manga nagimoka ai dutuika, la ka idadi ka ona dika yomakoketemo ma titi manga nagimi gea. De una wohira-hiraika wileha wato, ‘To ngona ani nagimi muruono ahi dutuika?’