Dodadi 41:33 - Ma Jou ai Demo-demo o Totobelohoka

³³ De ahao o Yusupu wihingahuoli o inomo ma hiaturu wato, “Ho ngona o Firaunu, kiani nilingiri o nyawa moi abe duru wososawaro de nihitagongo la una gea ma inomo wohikaaturu o Mesiiri ma tonaka ma amokika.

Dodadi 41:33 ပူးပေါင်းရင်းမြစ်များ

Dodadi 41:34

De nairikoo o balu-baluhu la ona yagogono ma inomo abe o taongo tumidino ma oraha naga o inomo kohangoe. Abe o redi ma hasilino hoka o pine, o gooko, o boteme de o gandumu mata-mataika o Mesiiroka, ona kiani yaregu motoa. Hokogea kiani yodiai la o regu iata o kokawaaha yapake de o regu moi ona ihiatu-aturu yale la yagogono o inomo gea.

Dodadi 41:39

De ahao o Firaunu womadogiliorika o Yusupika de wihingahu wato, “Angamoi Ma Jou wonihingahu ka ngonaika dika mata-mata gea abe ahao idadi, ho nako ngona de o nyawa utu ka ngonahi nososawaro de nohidotelega itiai o Mesiiri ma tonakoka naa.

Hidingoto 6:3

Ho naa ngomi minihuloko miato koaho nanga gogianongoru yatumidi niairiki de niagoraka abe nia doomuino naa. De gea kiani niairiki o nauru abe o nyawa utu manga horomati itagi onangika de abe yalufungoka de Ma Jou o Womaha de o sosawaro. De niairiki ipaha de ahao ngomi miahitagongo onangika la onangoli yaleleani de yahikodoku o inomo o nyawaika abe naga de manga pereluoka, ho gea ko ngomiokaua mia tagongo.

Higalioli 1:13

Ho koaho ngini nimangiriki ti ngini nia nyawa yamuruono naga nia dutu homoi-homoiino abe ngini mata-mata nia horomati itagi onangika de naga manga sosawaro de manga tobahioriki ma amoko. De ahao ngohi tagorakiye ona gea la yodadi ti ngini nia hihira.’”