Dodadi 41:28 - Ma Jou ai Demo-demo o Totobelohoka

²⁸ “Ho ahi koano, ani buluhara hinootoo gea ma titi ka moi. De Ma Jou woigo wapake ani buluhara gea la nohioriki abe ahao idadi ani tonakoka. De gea ahao idadi duru imaketero hoka Ma Jou wonihingahuoka ngonaika ani buluhara ma goronaka hoka ngohi naa tonihitararonokau.

Dodadi 41:28 ပူးပေါင်းရင်းမြစ်များ

Dodadi 40:12

De o Yusupu woihene ibooto ai buluhara ma ade-ade gea de wihingahu unangika wato, “Hokonaa ani buluhara ma titi: o angguru ma jaga hange gea tohidotele ka ma moi abe ma titi o wange hange.

Dodadi 41:16

De o Yusupu wipaluhu o Firaunika wato, “Koano, ngohi ahi hiakunu ko iwa la hiadono tonihitararono abe ani buluhara ma titi. Ma Jou dika wohioriki o buluhara ma titi ho kiani Una ihira wohihingahu ngohino de ahao ka idadi tonihingahuoli ngonaika ani buluhara ma titi. Hokogea de ahao ngona o Firaunu namake Ma Jouino ani leleha ma babaluhu ma owa.” Hokogea o Yusupu wihitararono o Firaunika.

Dodadi 41:25

De ahao o Yusupu wihingahu o Firaunika wato, “Ahi koano, ani buluhara hinooto gea imakadaene ma titi, de gea Ma Jou wonihingahuoka ngonaika gea ahao Una wodiai.

Dodadi 41:32

De ma titi ani buluhara ihigali ma hinootoino hokogea la duru ngona o Firaunu, nohioriki igoungu Ma Jou wodiai hokogea. De igoungu ko itedekanokaua de ahao imulaengoka abe hoka ngona nobuluharoka gea.”