Dodadi 41:26 - Ma Jou ai Demo-demo o Totobelohoka

²⁶ O hapi ma gogutufuru tumidi, de o pine ma hofoko o gosela tumidi abe de ma bunu-bunuhoka gea hohidotoomuino ka ma moi angamoi ma titioo ka moi dika. De ma titi gea o taongo tumidi ma dekana abe o datomo mata-mataika duru de ma hasiloka.

Dodadi 41:26 ပူးပေါင်းရင်းမြစ်များ

Dodadi 2:24

De Ma Jou o nauru de o ngofeka wahidadi o dodadi moiino la gea yomakuduhunu, de gea ma titi ho hiadono o nauru yomatingaka manga baba de manga memeino la gea yogogere moi de manga fekata la ona yodadioka moi.

Dodadi 40:12

De o Yusupu woihene ibooto ai buluhara ma ade-ade gea de wihingahu unangika wato, “Hokonaa ani buluhara ma titi: o angguru ma jaga hange gea tohidotele ka ma moi abe ma titi o wange hange.

Dodadi 40:18

De o Yusupu woihene ibooto ai buluhara ma ade-ade gea de wihingahu unangika wato, “Tomahilooa masara nako to ngona ani buluhara hokonaa ma titi: o tupa hange gea tohidotele ka ma moi abe enangoo ma titi o wange hange.

Dodadi 41:2

De wolega-lega de wamake naga o hapi o doomu moi de gea o gahumu tumidi ihupuino o akeroka, de ma hapi tumidi gea ma rorahai de ma gogutufuru mata-mata. Ifareniye ma ngigoroka de gea ahao iolomo o ruruubu o ngigoroka gea.

Dodadi 41:25

De ahao o Yusupu wihingahu o Firaunika wato, “Ahi koano, ani buluhara hinooto gea imakadaene ma titi, de gea Ma Jou wonihingahuoka ngonaika gea ahao Una wodiai.

Dodadi 41:27

De o hapi ma bobelelaka tumidi de ma pine ma hofoko o gosela tumidi abe ko iwa ma bunuhu, enangoo hohidotoomuino ka ma moi angamoi enangoo ma titi ka moi dika. De ma titi ka moi gea o taongo tumidi ma dekana abe ko iwa o tonaka ma hasili.”

Dodadi 41:29

Naa de imulaenge abe ma oraha o inomo duru kohangoe o Mesiiri ma tonaka ma amokika ka hiadono o taongo tumidino ma dekana.

Dodadi 41:47

De igoungu o taongo tumidino ma dekana manga datomo duru ikutufuru hiadono manga redi ma hasili duru kohangoe.

Dodadi 41:5

De ahao o Firaunu ka iwikiookokali de ka wobuluharokali. De bari naga iwangoiye o pine o lifunu moi de ihofoko ma gosela tumidi, de duru irahai de naga de ma bunuhoka o gosela tumidi gea.

Dodadi 41:53

De ahao ipahaka ma taongo tumidi gea abe manga inomo duru ifoloi ho manga joro ko yamakeokaua manga redi-redino.

Huhupu 12:11

De hokonaa ngini nimahidiai niolomo ma oraha nimatoomuino la nia domba gea niaolomo. Kiani o dodagi ma pakeanga homoi-homoiika nimahinoauku de gea nihitunguu nia dodagi kohagurutika. De kiani nimasandaaliyeoka de nia dodagi ma tutukunu naga niakokisoino. Hokogea nimahikokidiaioka de ahao nimataiti niolomo angamoi ma oraha gea adonoka to Ngohi Ma Jou o Yawe ahi Totilakuru ma wange.”

1 Korintusu 10:4

De o heheranga ma akere, enangoo ona mata-mata yakokiokeroka. Abe ma akere gea yamake o lokuhakaruino, de gea ma akere yanii-niiki ona o tonaka ma kakaahaka. De ngohi ma hakaru gea tohiromanga o Kristusu.

1 Yohanese 5:7

Ho naga hamake ma titi hange abe inahitararono nanga hiningaino la duru hohioriki abe ma titi o Yesusu Una gea tanu onaguna.