Dodadi 41:16 - Ma Jou ai Demo-demo o Totobelohoka

¹⁶ De o Yusupu wipaluhu o Firaunika wato, “Koano, ngohi ahi hiakunu ko iwa la hiadono tonihitararono abe ani buluhara ma titi. Ma Jou dika wohioriki o buluhara ma titi ho kiani Una ihira wohihingahu ngohino de ahao ka idadi tonihingahuoli ngonaika ani buluhara ma titi. Hokogea de ahao ngona o Firaunu namake Ma Jouino ani leleha ma babaluhu ma owa.” Hokogea o Yusupu wihitararono o Firaunika.

Dodadi 41:16 ပူးပေါင်းရင်းမြစ်များ

Dodadi 37:14

De ai baba wato, “Irahai noiki la natutumohi done naga manga kuranga. De nanga duduonoo kiani hohioriki hokokia ma kangela eko ma rahai ho gea natutumu ibooto de nolioli ngohino de nohihingahu.” Hokogea o Isiraele wihidingoto o Yusupu o Sikeme ma dolaika. Ho manga gogere o Heborono ma dolaka gea wosoboka o Yusupu la woiki ai ria-riakika.

Dodadi 40:8

De yahinooto gea yopaluhu ato, “Ngomi o futuika mikokibuluhara masara mia buluhara gea ma titi ko mihiorikua. De done onagona naga nenangoka abe yososawaro yotobamai-maihi la o buluhara ma titi ihioriki.” Hokogea manga ade-ade. De o Yusupu wahingahu wato, “Nako o buluhara mata-mataika ka Ma Jou dika ka idadi wohioriki ma titi. Ho sarakia nako ngini nihihingahu ngohino homoi-homoiika abe hokokia niamake nia buluhara ma goronaka.” Hokogea o Yusupu woigo waduhunu.

Dodadi 41:17

Ho o Firaunu wiade-ade o Yusupika wato, “Ngohi ahi buluhara ma goronaka naga tomaokoino o Nili ma akere ma ngigoroka.

Dodadi 41:25

De ahao o Yusupu wihingahu o Firaunika wato, “Ahi koano, ani buluhara hinooto gea imakadaene ma titi, de gea Ma Jou wonihingahuoka ngonaika gea ahao Una wodiai.

Dodadi 41:28

“Ho ahi koano, ani buluhara hinootoo gea ma titi ka moi. De Ma Jou woigo wapake ani buluhara gea la nohioriki abe ahao idadi ani tonakoka. De gea ahao idadi duru imaketero hoka Ma Jou wonihingahuoka ngonaika ani buluhara ma goronaka hoka ngohi naa tonihitararonokau.

2 Kokoano 6:27

De ma koano womipaluhu wato, “Koaho ngona nomagahoko o duduhunu Ma Jou o Yaweino dika! De nako Una gea ko woniduhunua, maraioka ngohioo naa ko idadiua toniduhunu! Angamoi ngohioka ko iwaka o gandumu de ko iwaka ahi angguru ma gohaka ma teongo.

Sakaria 4:6

Ho una wohitararono ngohino wato, “Gea ena ihitunguu Ma Jou o Yawe ai Demo abe wihingahu o Serubabelika o hiketero abe ma titi ai karajaanga ma oraha wodiai Ma Jou ai Tau. Abe Ma Jou wato, ‘Ahao idadi ko ma titiua o buturungino, de hokogenangoli ko ma titiua o kuahaino de idadi. Masara gea ahao idadi de duru ihititi to Ngohi ahi Womahino dika.’ De hokogea Ma Jou o Yawe abe duru Wokokurutiye wotemo.”

Gegetongo 12:6

De ahao Ma Jou o Yawe wotemoli onangika de ai buturungu, wato, “De naa ngini inihinooto duru nitotoihene ahi demoika! Abe ma oraha naga to Ngohi ahi nyawa nia hidogoronaka abe ona tahidadi ahi uru ma dodofanga, masara Ngohi, Ma Jou o Yawe tatemo onangika de o buluhara de o himatoko.

Lukasa 19:42

De Una wotemo o Yerusaleeme ma kotaika wato, “Hiokoo ngini o Yerusaleeme ma nyawa, angamoi ahao nia hohowono inidaene nginiuku! De Ngohi tanu duru toigo la ngaro o wange naa dika de ngini ka idadi niamake o hikadame ma ngekomo la ufa Ma Jou winihohowono, masara ko idadiua angamoi imagogonoka ti ngini nia hininga ma lakoino la ufa niamake.

Hidingoto 3:12

De o Peturusu wamake abe o nyawa yowoe-woe yahigilolitino genangoka ho wotemo ona mata-mataika wato, “Ahi gogianongoru o Isiraele ma nyawa, adodoa ho ngini niheranga ma titi abe idadioka naa unangika? De adodoa ho ka nimidamaana ngomino de nimatemo nia hiningaka niato bote to ngomi dika mia kuahaino eko mia totiaiino hiadono wolugu-lugu naa wotogumoka la ka idadi womadagi?

Hidingoto 3:7

De gea wotemo ipaha de o Peturusu wiso ai nirakika de witauru la widuhunu womaokoiye. De duru ma oraha gea dika de wolugu-lugu ai lou de ai pupuungu itogumoka de idadi iputurungu.

1 Korintusu 15:10

Masara ngaro ahi hininga hokogea, ma, Ma Jou duru wohihiowa ngohi naa ho hiadono todadioka Ma Jou ai hidingoto ma nyawa tomatengo. De to Una ai owa ngohino gea ko parahajaua masara duru de ma hofokoka ahi wowangoino, abe ngohi duru tokarajaanga la ai Abari ma Rorahai ihikabarihi o nyawa ko manga ngoe-ngoeika. De ngaro ngomi mata-mata abe imihiromanga Ma Jou ai hidingoto ma nyawa, ma ka ngohiohi tokarajaanga duru ikiria abe ahi tagongika. De masara gea ka ngohiua dika tokarajaanga, ma tanu de Ma Jou ai owa wohipake ngohino la hiadono Una wokarajaanga de ngohi wohipake.

2 Korintusu 3:5

De nako hoka to ngomi dika mia hiakunu, gea duru mihioriki abe ko kia-kiaua miakunu midiai abe to Una ai karajaangino. Masara ngomi naa miapake to Ma Jou dika ai hiakunu la ka miakunu mihidagi to Una ai karajaanga abe womihitagongo ngomino.

Higalioli 29:29

De ahao o Musa ka wotemohi wato, “To ngone nanga Jou o Yawe, naga Unangoka ma dogogono muruono naga abe ko moiua ihioriki. De nako ngone duru ko ihiorikua ai demo gea, ngaro ko haniikua masara ko iwa nanga hohowono genangino. Masara naga ai demo ma ngoe abe wonahimatokoka ngoneino, ho ngone mata-mata naga nanga tagongo ka ihikaika la hohingounu enangika. Abe ngaro ngone o balu-baluhu de ngaro nanga ngofa-ngofaka masara ngone mata-mata kiani hakokiniiki ai hitiari de ai behehongo ma demoika gea done nanga hohowono inadaene ngoneuku.”