Dodadi 40:7 - Ma Jou ai Demo-demo o Totobelohoka

⁷ De waleha onangika wato, “Adodoa ho ngini o ngorumino naa de nia hininga ko iwangorua? O kia ma titi hiadono nia hininga ihuha naa?” Hokogea waleha yahinootoika gea abe yahidubuika ka ma moi de o Yusupu.

Dodadi 40:7 ပူးပေါင်းရင်းမြစ်များ

Dodadi 40:6

De ma ngorumino o Yusupu watutumu onangika de wamake manga himanga duru ihuha.

Dodadi 42:17

De ahao o wange hangeino ma dekana ona mata-mata gea wahingohamika o bui ma tauoka.

2 Samuele 13:4

De ipaha o wange moiuku de o Yonadaba wimake abe o Anono ai himanga itafukuoka ho wileha unangika wato, “Adodoa ho ani hininga ihuha o wange-wangeiye? Angamoi ngona naa nanga koano ai ngofaka ho tanu ko iwa ma titi hiadono nohuha hokonaa!” De o Anono wipaluhu wato, “Masara ngohi duru ahi hininga adaene de ahi dodoto ngoi biranga o ngo Tamara.”

Nehemia 2:2

Ho o koano wohileha ngohino, wato, “Nehemia, ngohi tonimake hoka ngona ko inigogamua masara ko ma moiuahi tonimake de ani himanga itafukuoka hokonaa. Marai ani hininga duru de ma huhaka e?” Hokogea o koano wohileha de ngohi duru tohawana.

Lukasa 24:17

De o Yesusu wotemo onangika wato, “Nia demo ma titi o kia naa abe nimakoketemo nia dodagi ma goronaka?” Ka de yoihene ai demo gea de yomatogumoka ho ka yomaokoino dika ma ngekomo ma goronaka. De o Yesusu wamake manga himanga de itararono abe duru yohuha manga hiningaka.

1 Samuele 1:8

De ami rokata o Ekana gea ami dubuho una wamao hiadono womileha munangika wato, “Hana, adodoa ho noari-ari? Adodoa ho o inomo ko nolomua, de adodoa ho ngona ka ihikaika ani hininga ihuha? Ngohi ani rokata duru tonidora de kiani ngona duru nosanangi ma titi gea angamoi nanga gogao irahai. Ho nako hoka ani ngofaka o nauru yangimoi ka idadi hohikohowono de to ngone nanga gogao abe duru irahai de kiani nanga gogaoohi hopaliara e?” Hokogea o Ekana ai lalaru ma demo munangika.