Dodadi 40:6 - Ma Jou ai Demo-demo o Totobelohoka

⁶ De ma ngorumino o Yusupu watutumu onangika de wamake manga himanga duru ihuha.

Dodadi 40:6 ပူးပေါင်းရင်းမြစ်များ

Dodadi 40:5

De o futu moi una abe witobaleleani o Firaunu ai akere de una abe ai inomo wotobahohakai, ona gea yokokibuluhara de manga buluhara imaketemomomoi de manga buluhara homoi-homoiika de ma titioka.

Dodadi 40:7

De waleha onangika wato, “Adodoa ho ngini o ngorumino naa de nia hininga ko iwangorua? O kia ma titi hiadono nia hininga ihuha naa?” Hokogea waleha yahinootoika gea abe yahidubuika ka ma moi de o Yusupu.

Dodadi 40:8

De yahinooto gea yopaluhu ato, “Ngomi o futuika mikokibuluhara masara mia buluhara gea ma titi ko mihiorikua. De done onagona naga nenangoka abe yososawaro yotobamai-maihi la o buluhara ma titi ihioriki.” Hokogea manga ade-ade. De o Yusupu wahingahu wato, “Nako o buluhara mata-mataika ka Ma Jou dika ka idadi wohioriki ma titi. Ho sarakia nako ngini nihihingahu ngohino homoi-homoiika abe hokokia niamake nia buluhara ma goronaka.” Hokogea o Yusupu woigo waduhunu.

Dodadi 41:8

Ho ka de o ngoru-ngorumino de ai hininga ihuha angamoi ai buluhara ma titi ko wohiorikua. Ho ona abe iwileleani ai tauoka onangika wahuloko wato, “Ngini kiani niloiki nialingiri o Mesiiri ma amokika ona abe yotobahioriki, de onangoo abe yososawaro yotobamai-maihi o buluhara ma titi, de ona gea mata-mataika niakokiahokino.” Hokogea o Firaunu ai mau ho gea yokokiboa de ahao onangika wahingahu hokokia wamake abe ai buluhara ma goronaka. Masara ai buluhara gea ma titi ko moiua de ihioriki ngaro ona ko manga ngoe abe yolingiri ma titi.