Dodadi 40:14 - Ma Jou ai Demo-demo o Totobelohoka

¹⁴ Masara naa moi tonihibehehongo ngonaika, abe ma oraha nodadiokali nileleani o Firaunika, de togahoko la ahi duduhunu naa ngonaika nohibalaha de ma owa ngohino. De hokonaa nohiduhunu, toigo la nihingahu o Firaunika nato, ‘Ahi koano, naga womatengo abe wohiduhunu o bui ma tau ma goronaka abe wato ko iwa ai howono.

Dodadi 40:14 ပူးပေါင်းရင်းမြစ်များ

Dodadi 40:13

Ho naa ma hou duru o wange hangeokahi dika de ngona ani pea nomaboaiye de ani sanangi angamoi o Firaunu wonihigilio ani karajaangika. De ngona ahao nileleanioli abe ai akere nohiaturu de nihidoaka unangika imaketero hoka ma dihirali ani karajaanga unangoka.

Dodadi 41:9

De ahao una abe witobaleleani ai akere womulaenge wohininga o Yusupu ai behehongo abe kiani wihingahu o Firaunika wato, “Ahi koano, o wange naa tomangaku ahi howono.

2 Samuele 9:1

De o wange moiuku duru o Dautu womahohininga abe ai behehongo ma dihira wihibehehongo o Saulu ai ngofaka o Yonatanika abe duru widodiawo. Ho waleha ai duduhunika, wato, “Sarakia, naga o nyawa o Saulu ai tauoka abe nagahi la ka idadi ahi dora ma hiokoo tahimatoko onangika? Ma dihira ngohi de ai ngofaka o Yonatana duru mimaketedodiawo irahai de ma titi gea ho duru toigo la ona taduhunu nako nagahi.”

1 Kokoano 2:7

“De nagali ahi demo ngonaika ma titi o Gileada ma nyawa o Barasilai ai ngofa-ngofaka. Abe ona gea ma dihiraino de ihiduhunu de ihigoana ma oraha ani riaka o Abasalomo wohikiniiki ngohi wato wohitoma ho ngohi toara. Ho mangale ma titi manga datoro gea ho ngohi tagahoko la ngona nahoko ona gea ani tauino de ka idadi ona de ngona nimakutuono niolomo ani tauoka ka ihikaika.”

Lukasa 23:42

De ahao witemo o Yesusika wato, “Yesusu, duru togahoko la ma oraha Ngona nahikoano ani nyawaika de nohihininga de nohidafongo ngohi naa.”

1 Korintusu 7:21

De naa ma titi moioli tinihitararono. Abe nako ngini nengokadau o nyawa manga huhuloko ma oraha de Ma Jou winiahoko nia ngongakuino, de naa ahi lalaru ma demo tinihidumutu nginika. Ngaro ngini o nyawa manga huhuloko, masara gea ngaro ufa de niahuha nia hiningaka ma titi gea. Angamoi ngaro ngini o nyawa manga huhuloko, ma ka idadiohi irahai niwileleani Ma Jouika. Masara nako ahao ma ngekomo naga la nia baluhu ka idadi winihigunoa, ma ngekomo gea kiani nianiiki la nihupu ma rorahaiika la ibootohi o nyawa inihulo-huloko. Masara nako ma ngekomo ko nimakeua, ufa niahuha de ena gea.

Yosua 2:12

Ho naa ngohi duru tomagahoko nginika la nihihibehehongo ngohino de nia koboto ma demo la ufa nihieluku ngohino. Abe kiani nimagahoko Ma Jou o Yaweika la ngini niamake o hohowono Unangino nako ngini nihieluku ngohino. Hokogea ngohi tomigahoko ngohi de ahi tau ka ma moi la nimiduhunu. De abeika ngohi ahi dora ma hiokoo itagi nginika hiadono tiniduhunu la ufa inibodito ho hiadono itiai nginioo de nia dora ma hiokoo nimiduhunu ngohi de ahi baba de ngohi meme de ahi ria-dodoto de to ona manga ngofa-ngofaka. Iti ka to ngohi ahi dutu de ngini nimiduhunu la ma oraha ngini o Isiraele ma nyawa niboa de ufa hiadono ngomioo nimitoma! Ho ngohi duru tomagahoko la nihihibehehongo de o behehongo ma gou-goungu ma dodunguu.” Hokogea o ngo Rahaba momagahoko o nauru yahinootoika gea.

1 Samuele 25:31

Ho ufa hiadono ani hidee naa inihirehene hiadono nahowono. Abe nako ahi rokata ai nyawa ona ko iwa manga howono, de nako nahohonenge ahao gea imaketero hoka nomahihowono Ma Jouika de ani hiningaka duru nomatoduba. Masara mangale ma titi ani hidee gea ko idadiuali ho ngaro ufa dika ani hininga ihuha hokogea de ka idadi ani hininga iuwini dika. De naa tomagahoko moi ngonaika. Abe ahao ma oraha Ma Jou o Yawe wonihiowa hiadono ani kuaha ilamoko, tomagahoko la gea ko nohiwohangua ngohi naa masara nohinganono de ani hininga ma owa.”