Dodadi 4:23 - Ma Jou ai Demo-demo o Totobelohoka

²³ De ma moiuku o Lameke wahingahu ai sade ngoi feka-fekatika wato, “Niaino o ngo Ada de o ngo Sila la ahi demo niihene, Ngohi naa o Lameke totemo ho ngini ngohi feka-fekata kiani nitotoihene, Naa tagou-goungu, nako naga womatengo wohihinabo una gea ka titomaka, Ngaro una ka o goohi ma ka de wohipoha dika de titomaka.

Dodadi 4:23 ပူးပေါင်းရင်းမြစ်များ

Dodadi 4:22

De o Lameke nagali ai ngofaka abe wamake ngoi fekatino o ngo Silaino de ai ngofaka gea ai romanga o Tuba-Kaini. De o Tuba-Kaini gea una abe wososawaro wodiai o kiahonanga o behino eko o tabaagaino ho wodadi to ona manga tofora abe yotobatutuku o behi de o tabaaga. De o Tuba-Kaini ngoi firanga o ngo Naama.

Huhupu 20:13

“Ngini ko idadiua o nyawa niatoma.”

Gegetongo 23:18

De unangika o Bileama wihingahu de ai demo ma betongo o dakoro abe Ma Jouoka de aino, wato, “O Balaka ngona nomaokoino de ani hininga ma gahumu nototoihene, De ahi demoika ngona, o Siporo ai ngofaka, kiani nohihigihene.

Higalioli 32:35

Ho ahao ma oraha adonoka de Ngohi tahibalaha onangika, de ko itedekanokaua de ahao manga hibinaaha iboa onangika, de gea ahao manga hohowono ma amoko imataiti dika yadaene onanguku.

Hihira 9:7

De ipahaino de o Gideono ai ngofaka ma baha o Yotama una woihenino abe o Abimeleke iwigoraka la wahikoano o Sikeme ma nyawaika. Ho una wodoa o Girisimi ma loku ma tubuiye la ka idadi o nyawa dau ai timiuku yoihene ma oraha wabobanarata onanguku. De gea una waamo-amokiye wato, “Ngini o Sikeme ma kota manga balu-baluhu, abeika nitotoihene ahi demoino! Angamoi nako ngini nihigihene, marai Ma Jou Unangoo ka idadi winigihene nginika!”