Dodadi 4:22 - Ma Jou ai Demo-demo o Totobelohoka

²² De o Lameke nagali ai ngofaka abe wamake ngoi fekatino o ngo Silaino de ai ngofaka gea ai romanga o Tuba-Kaini. De o Tuba-Kaini gea una abe wososawaro wodiai o kiahonanga o behino eko o tabaagaino ho wodadi to ona manga tofora abe yotobatutuku o behi de o tabaaga. De o Tuba-Kaini ngoi firanga o ngo Naama.

Dodadi 4:22 ပူးပေါင်းရင်းမြစ်များ

Dodadi 4:21

De o Yabala ai dodoto o Yubala. De una gea ahao wodadi to ona manga tofora abe yososawaro yokuti o hitar eko yoluiti o fiola de o sulingi yowuwu.

Dodadi 4:23

De ma moiuku o Lameke wahingahu ai sade ngoi feka-fekatika wato, “Niaino o ngo Ada de o ngo Sila la ahi demo niihene, Ngohi naa o Lameke totemo ho ngini ngohi feka-fekata kiani nitotoihene, Naa tagou-goungu, nako naga womatengo wohihinabo una gea ka titomaka, Ngaro una ka o goohi ma ka de wohipoha dika de titomaka.

2 Tawari 2:7

De o Saloomo ai hurata ka igila-gilahi o Huramika ato, “Ho naa abe ngohi duru toperelu gea o nauru womatengo abe duru wososawaro wotobadiai o kiahonanga duru ma rorahai o gurasino, de o haakaino, de o tabaagaino, de o behino. De ma kiahonanga gea o kia dika, abe wodiai ibooto ena gea, de kiani duru una wososawaro wodimo-dimo de worogi-rogi. De kiani una duru wososawaro de ai tobahioriki o ngoere watono o solo ma wuu-wuuku, de ma doka-dokaruku, de ma bihi-bihi ma dutuku. Marai naga ani nyawa womatengo de ai sosawaro hokogea e? Ho nako ka idadi, ngohi tomagahoko la una gea nihidingoto ngohino la ka idadi una waduhunu ona ahi tonakoka naa abe onangoo yososawaro o karajaanga gea. Angamoi naga manga ngoe nenangoka abe ma dihira ahi baba o Dautu wairikoka o Yehuda ma tonakoka de ona utu yogogere nenangoka o Yerusaleeme ma kota ma goronaka.”

Huhupu 25:3

De manga hidoaka Ngohino gea ka idadi yale manga kiahonangino naa: o gurasi ma dutu, de o haaka ma dutu, de o tabaaga ihisapuroka de o hori.

Higalioli 33:25

De tinigahokoo la nia kota duru ipoputurungu, abe nia kota ma ngorana yodiai o behino de o tabagaino. Ho genangoka ngini ka idadi nigogere nisosanangi dika, abe nia wowango hokokia dika ma dekana de nia hininga duru de ma riidoka dika.” Hokogea o Musa ai hiowa ma demo abe o Isiraele manga dutu homoi-homoiika.