Dodadi 4:19 - Ma Jou ai Demo-demo o Totobelohoka

¹⁹ De o Lameke womale ngoi fekata yahinooto, momatengo ami romanga o ngo Ada de momatengoli o ngo Sila.

Dodadi 4:19 ပူးပေါင်းရင်းမြစ်များ

Dodadi 2:18

Gea ibooto de ahao Ma Jou o Yawe womatemo wato, “Koaho o nauru naa ko womatengokaua, ho ngohi todiai ai dodiawo hoka unangoli la naga ai duduhunu.”

Dodadi 2:24

De Ma Jou o nauru de o ngofeka wahidadi o dodadi moiino la gea yomakuduhunu, de gea ma titi ho hiadono o nauru yomatingaka manga baba de manga memeino la gea yogogere moi de manga fekata la ona yodadioka moi.

Dodadi 4:18

Ka de o Henoko gea wobaluhiyeoka de woilaka de wamake o ngofaka ai romanga o Irada. De o Iradoli ahao naga de ai ngofaka o Mehuyaele, de ahao o Mehuyaeloli naga de ai ngofaka o Metusala, de ahao o Metusalali naga de ai ngofaka o Lameke.

Dodadi 4:20

O ngo Ada ahao momamake ami ngofaka o Yabala. De o Yabala una gea ahao wodadi to ona manga tofora abe yotobapaliara o aewani o dofo hoka o domba de o hapi. Ho to una ai totoforauku yaniiki manga duduono ka ihikaika de ko yoriidua o ngi moioka ho yogogere o tau-tauoka abe yodiai o ngoerino.

Dodadi 4:23

De ma moiuku o Lameke wahingahu ai sade ngoi feka-fekatika wato, “Niaino o ngo Ada de o ngo Sila la ahi demo niihene, Ngohi naa o Lameke totemo ho ngini ngohi feka-fekata kiani nitotoihene, Naa tagou-goungu, nako naga womatengo wohihinabo una gea ka titomaka, Ngaro una ka o goohi ma ka de wohipoha dika de titomaka.

Matiusu 19:8

De o Yesusu wopaluhu onangika wato, “Iya, igoungu, abe o Musa winihigunoa la niaoluku de hiadono naga o pareta moi wotulihi. Masara gea wotulihi ko ma titiua abe ai hiningaka wato gea irahai dika nimakoluku. Hokogenangua, masara gea wotulihi ma titi ngini nia pea kohadogowini. Abe ngini ma dodihirainohi de ko nihigihenua Ma Jou ai hiningaika angamoi Una gea ko ai hiningaua la ngini nimakoluku.