Dodadi 4:17 - Ma Jou ai Demo-demo o Totobelohoka

¹⁷ De ipahaino de o Kaini unangoo naga ngoi fekata de yomakitigi ho muna de ami badangoka. De ahao ngoi fekata momagerewoto de manga ngofaka o nauru yamake de o Kaini wihiromanga ai ngofaka o Henoko. De ipaha o Kaini wohititi la wato wodiai o kota moi de ma kota gea enangoo wohiromanga o Henoko la gea wohitunguu abe ai horomati ai ngofaka o domoro o Henokika.

Dodadi 4:17 ပူးပေါင်းရင်းမြစ်များ

Dodadi 11:4

Hokogea manga hidee de hokogea yodiai. De ahao yomakoketemoli ato, “Abeika, koaho howoe homatoomuino de nanga tau homadiai hiadono nanga kota idadi. De irahai moi ma tau hodiai duru kohagurutiye hiadono imahitigi-tigiye o dihangiye. Abe nako hokogea homadiai de ka ihikaika o nyawa mata-mataika inahioriki hiadono inahigiriiri ma titi nanga tau gea abe kohagurutiye! De ngone gea ahao duru homaketerimoi abe homatoomuino dika la ufa hiadono ngone homahikokabarihika o dunia ma amokika.”

Dodadi 4:16

Ho gea o Kaini Ma Jou ai himangoka wosobo, woiki o tonaka moiikali ma romanga o Noodo, gea o Edene ma tonaka ma honongaka. O Noodo ma romanga ma titi gea yopoparadidu manga gogere.

Dodadi 4:18

Ka de o Henoko gea wobaluhiyeoka de woilaka de wamake o ngofaka ai romanga o Irada. De o Iradoli ahao naga de ai ngofaka o Mehuyaele, de ahao o Mehuyaeloli naga de ai ngofaka o Metusala, de ahao o Metusalali naga de ai ngofaka o Lameke.

Dodadi 5:18

De o Yarete ai ngumuru adonoka ai taongo o ratuhu moi de moributaanga de hinooto de ahao wamake ai ngofaka o Henoko.

Dodadi 5:22

De gea o Metusala womaboaka de ai baba o Henoko gea ka winiikohi Ma Jou ma dekana o taongo o ratuhu hangeino abe ma titi duru yomaketedodiawo de Ma Jou. De ma dekanino gea to una ai ngofa-ngofaka utuoli o nau-nauru de o ngo-ngofeka wamake.