Dodadi 4:16 - Ma Jou ai Demo-demo o Totobelohoka

¹⁶ Ho gea o Kaini Ma Jou ai himangoka wosobo, woiki o tonaka moiikali ma romanga o Noodo, gea o Edene ma tonaka ma honongaka. O Noodo ma romanga ma titi gea yopoparadidu manga gogere.

Dodadi 4:16 ပူးပေါင်းရင်းမြစ်များ

Dodadi 3:8

De o wange ilobioka ona iwigihene Ma Jou o Yawe wotagi-tagi ma redioka gea. Ho yahinooto yomagogonika o gota-gotaka ma redi ma goronaka la ato ufa Ma Jou o Yawe wamake.

Dodadi 4:14

Abeika, o wange naa de parahaja dika tomaredi de Ngona ko nohidafongokaua ho Ngonaka tomatingakoka. Ngohi kiani ka ihikaika totagi-tagi dika de ahi dodogumu ko iwa o duniaka. Ho ngohi naa ahao ka ihikaika o nyawa ihimake hoka o homoa ma nyawa ho done ka de ihimake de ihihidee la ato ihitoma.” Hokogea o Kaini ai hawana ma demo.

Dodadi 4:17

De ipahaino de o Kaini unangoo naga ngoi fekata de yomakitigi ho muna de ami badangoka. De ahao ngoi fekata momagerewoto de manga ngofaka o nauru yamake de o Kaini wihiromanga ai ngofaka o Henoko. De ipaha o Kaini wohititi la wato wodiai o kota moi de ma kota gea enangoo wohiromanga o Henoko la gea wohitunguu abe ai horomati ai ngofaka o domoro o Henokika.

2 Kokoano 24:20

Ho mangale ma titi Ma Jou o Yawe ai ngamo ma dihiraino ifae manga kokoano manga datorika ho hiadono womaputuhokau la ai nyawa abe yogogere o Yehuda ma tonakoka kiani manga hohowono yamake. Ho abe ma oraha o Sedekia wahikoano de Ma Jou wahihupuoka o Yehuda ma nyawa gea o Yerusaleeme ma kotaino de o Yehuda ma tonakino de wahidingoto o homoa ma nyawa manga tonakika. De hokonaa ma ade-ade abe hokokia idadi ma oraha Ma Jou ai nyawa wahihupu o Yehuda ma tonakoka de aino. Abe ma dihiraino de o Babele manga koano o Nebukanesara waparangi o Yehuda ma tonakika hiadono wahikala onangika. Masara ngaro wahikalaka ma ka idadi wahigunoa la to ona ma hirete manga koano wogila-gila wahikoano onangika abe yogogere o Yerusaleeme ma kotaka. Ho ipahaino de o Babele manga koano wiiriki o Sedekia gea o Isiraele ma nyawaino de wihidadi o Yehuda manga koano. Masara o Sedekia wahikoano ai kokawaahaika ai taongo muruonino ipaha de ahao una womaputuhu la wilawana o Babele manga koanoika abe wato ko wihingounokaua.

Huhupu 20:18

Ka de o nyawa mata-mata gea yoihene ma kuruuhu de o guguli ma ilingi kohaamokiye gea, de yamake o leletongo de ma loku yahawoka de o nofo hokogea, de duru yokokihawana ka hiadono yokokifafara ho yomatingaka ma gurutika.

Yunusu 1:3

Masara ka de gea woihene de o Yunusu ko wosanangiua hiadono Ma Jou o Yawe ai himangoka de waino woara, ho wosobo wato woiki o Tarasiisi ma kotaika. De una wato o kapa waniiki ho ihira woiki o kota moiika ma romanga o Yopa, abe o gahi ma datekoka. De genangoka waika de wamake o kapa moioli ato yoiki yohidete o Tarasiisi ma kotaika. Ho ai dodagi ma hewa gea wohidoakoka de wofarene o kapaoko, wato woiki o Tarasiisika la una de Ma Jou yomakitingaka kohagurutika.

Matiusu 18:20

Angamoi o kiaka dika naga abe inihinooto eko inifoloi abe nimatoomuinoka la niato to Ngohi ahi hininga nianii-niiki, de genangoka Ngohioo naga ti ngini nia hidogoronaka ho ka idadi tiniduhunu.”

Lukasa 13:26

De ona ahao yomademo ato, ‘Nengokadau ngomi de ngona mia baluhu homakokutuono holomo de hokere, de ngona nomidotoko mia ngeko-ngekomoka. Ho ngona tanu nomihioriki ngomi naa!’

Yohanese 1:10

Abe o Demo Una nagau o dunia ma lokuoka de ngaro Ma Jou wohidadi o dunia de ma dola mata-mata Unangino masara o dunia ma nyawa ona ko iwihiorikuahi abe o Demo Unangoo Ma Jou.

Yohanese 1:3

O dulaada mata-mata idadi ka o Demoino mangale moioo de ko iwa idadi nako ko Unanginoua wohidadi.

1 Tesalonika 1:9

de barikua ona dika ma hirete yomaketeade-ade de imihingahu ngomino ma titi hokokia idadi nengokadau ma oraha ngomi miboa nginika de minihingahu to Una ai abari nginioka. De yomaketeade-adeoo abe ma titi ngini nia pangao nianoaka de naa hiadono niwileleani nanga Jouikali abe Una gea Ma Jou idodutu de abe wotobawango. Ho naa nanga ade-ade abe hokokia idadi ma dihiraino nginioka abe minidoto-dotoko de hiadono nia wowango waturuuruoka, gea ma ade-ade itagioka de naa iliokali ngomino abe ma dihira minidoto-dotokika.