Dodadi 4:15 - Ma Jou ai Demo-demo o Totobelohoka

¹⁵ De Ma Jou wipaluhu unangika wato, “Koua, ani hohowono ko adonuahi hokogea, abe nako naga o nyawa initoma gea tonihibalaha onangika ma tumidi.” Hokogea wihingahuoka de ahao Ma Jou o dodunguu moi wodiai o Kainika la ngaro naga moiani yomakamake de una de ma titi ai dodunguu gea hiadono ko iwihikangelaua.

Dodadi 4:15 ပူးပေါင်းရင်းမြစ်များ

Dodadi 4:24

Nako o Kaini iwitomaka de kiani o nyawa yohonenge, To una ai balaha kiani o nauru yatumidi yohonenge, Ma nako ngohi, ka de o nyawa ihihikangela dika, De tomahibalaha hiadono yamoritumidi de yatumidi yohonenge.” Hokogea o Lameke ai sade ma demo abe una to Kaini ai totoforauku.

1 Kokoano 16:7

De naga Ma Jou o Yawe ai demo utuohi abe wihingahu to Una ai uru ma dodofangika, o Yehu. De Ma Jou ai hingahu gea enangoo ma dumutu o Baesaika de onangikaoo abe to una ai tauoka. De ai hingahu ma higila-gila gea enangoo ma titi o Baesa ai howono kohangoe abe duru itorou Ma Jou o Yawe ai himangoka. De gea hiadono Ma Jou ai ngamo duru ihauku unangika ma titi duru ai datoro itotorou. Abe to una ai tau manga wowango ma datoro duru imaketero dika de o Yerobeama de to una ai tau manga wowango ma datoro, ho hiadono ona mata-mata Ma Jou wahikokibinaahaka.

Sosawaro 6:31

Masara nako una gea iwitaoko de iwihitaana abe wotohiki gea kiani wohigilio ma tumidi onangika abe wadohikoka. De ai hohowono hokogea kiani wofangu de nako ko wakunua wofangu ma tumidi de ka idadi iwiribuutu la ai kiahonanga mata-mata wafukunu iti ai howono ma bobangu wohingodumu.

Matiusu 26:52

De ka de gea idadi de o Yesusu witaere una woto-otoika wato, “Ani humaranga gea naharumoka! Angamoi onagona dika yomagora-goraka manga humaranga, ona gea ahao ihihonenge de o humaranga.

Himatoko 14:11

De to ona gea manga hohowono ma uku ka ihikaika itokara de ma nofo idoaiye ka hiado-adonika. Ho ona abe yomahuba o aewanika gea de to ena ma pangaoika de yodafongo to ena ma dodunguu onangoka, ona gea duru ko iwa manga hiaini abe manga kangelaino o futu de o wange masara ka ihikaika naga yauku onangika.

Himatoko 14:9

Ka de gea ipaha de ahao womatengoli o malaekata wahidoduruino manga poretino abe ma malaekata yahinooto yopahaka. De naa o malaekata ma hange wopoa-poaka waamo-amokiye wato, “Onagona dika abe yomahuba o aewani ihira-hiraika de yomahuba ma pangaoika abe ma rupa hoka ma aewani gea ma rupa, eko ngaro to ma aewani ma dodunguu yodafongo manga pea ma nyore-nyoreoko eko manga giamoka,