Dodadi 39:6 - Ma Jou ai Demo-demo o Totobelohoka

⁶ Ho o Potifara wihingahu o Yusupika wato, “Naa tonihidoaka ani giamika to ngohi ahi kiahonanga mata-mata la ngona dika nohiaturu.” Hokogea o Potifara wodiai angamoi ka de ma oraha o Yusupu wohibaluhu mata-mataika de o Potifara ai hiaturu ko iwaka. Ho o Potifara ai hiaturu duga-duga ka ai inomo o kia dika wairiki abe ena gea duru woigo waolomo! Naa o Yusupu una o goduuru abe duru ai badanga de ma buturungoka de ai rupa worahai.

Dodadi 39:6 ပူးပေါင်းရင်းမြစ်များ

Dodadi 39:23

De o bui ma tau ma hidimono gea ko wopusingokaua ma titi ai hiaturu onangika abe yabui-buika genangoka angamoi Ma Jou o Yawe widuhunu o Yusupu. De gea mata-mata o Yusupu wahiaturu irahai hiadono manga karajaanga mata-mata de ma hasiloka o bui ma tau ma goronaka gea.

Dodadi 39:4

Ho o Yusupu duru wihisanangi o Potifarika ma titi ai karajaanga duru wao irahai. De o Potifara wigoraka de wihidadi o hibaluhu moi ai tauoka abe duru de ai kuahaka. Ho gea idadioka to Yusupu ai tagongo mata-mataika ngaro o Potifara ai tau ma goronaka eko ai redioka, ma, gea to una ai kuahaka.

Dodadi 39:8

Masara o Yusupu woluku abe womipaluhu ai hidimono ngoi fekatika wato, “Abeika, ahi baluhu una duru wohingaku ngohino hiadono ko iwa moi la ko wohingakua tohiaturu.

Dodadi 43:32

De manga ngolo-ngolomo ai duduhunu yahidiai la manga meja hange. Masara o Yusupu womatengoka o meja moioka de angamoi ai roria-dodoto o Ibarani ma nyawa ho hiadono yomaketemomoi manga meja. De o Mesiiri ma nyawa abe naga genangoka onangoo o meja moioli angamoi yomahibohono ko idadiua yomahisapurino yolomo de o Ibarani ma nyawa.

Sosawaro 31:11

De to muna gea ami rokata ka idadi duru womingaku munangika, de to una ai tauoka ko iwa manga kuranga.

Lukasa 16:10

De o Yesusu wogila-gila wadotoko wato, “De gea igoungu abe onagona dika yao itiai manga tagongo abe ma eteteke, onangoo gea yao itiai manga tagongo abe ilamoko. Masara onagona dika abe ngaro manga tagongo ma eteteke dika de yao ko itiaiua, onangoo ko idadiua yao itiai ma tagongo abe ilamoko.

Lukasa 19:17

“De ai koano woihene ai demo de duru widosanangi ai huhulokika ho wato, ‘Duru irahai ani tagongo gea nao, de ngohi tosanangi abe ka idadi toningaku ngonaika ma titi ani karajaangino gea. De ngohi ma dihiraino de tonihitagongoka abe hatoli ma hohutulu dika ahi tiwino, de gea nodiai duru irahai. Ho naa utuohi iwoe ka idadi tonihitagongo ngonaika. Abe ka idadi ngona nohipareta o kapongo ngimoi!’”

Hidingoto 7:20

“De duru ma oraha gea abe o Musa womaboa, abe Ma Jou womalega unanguku de wimake abe ma ngofaka gea duru worahai. De o Musa ai dimono iwipaliara manga tauoka abe ma oraha womaboa ka hiadono ai ngumuru ai mede hange.

1 Samuele 16:12

Ho o Isai o nyawa wahidingoto ai ngofaka gea iwile. De ipaha una ahao woboaino de Ma Jou witemo o Samuelika wato, “Naa una abe tiirikoka ho naa una nihitunguu de o debi-debini ma minya.” De o ngofaka o goduuru gea worahai de ai kai inouhu de ai lako de ma garagoka.

1 Samuele 17:42

De naa ka idadi ona yomakamake itararonoka de o Goliata ai hiningaka ka o hohedu dika ipuda o Dautika angamoi wimake una naa abe iwihidingoto ka o ngofaka dika abe ai kai inouhu de ai rupa worahai!