Dodadi 39:17 - Ma Jou ai Demo-demo o Totobelohoka

¹⁷ De ahao miade-adeoli ami rokatika mato, “Ngohi naa ngoni fekata tohuha ma titi una o huhuloko o Ibarani ma nyawa gea abe nipaliarino, una gea wohihimaleke ngohi.

Dodadi 39:17 ပူးပေါင်းရင်းမြစ်များ

Dodadi 39:14

De muna momulaenge de ami boi ma dohata mohiboa-boaka hiadono manga duduhunu o nau-nauru manga ngoe yomapopaata yoboaino la ato imiduhunu. De muna hadongoo de imihowo-howo mato, “Abeika ai dorou una o huhuloko o Ibarani ma nyawaino gea! Ahi rokata una gea wiaoino de wonahimaleke. Una wohiribuutu ngohi la wato mimakitigi masara ngohi duru toluku ho hiadono topoa-poaka.

Dodadi 39:16

De muna gea ai baju ko mapidilua ho masoino ka hiadono o Yusupu ai hidimono o Potifara woboa.

Dodadi 39:18

Una duru wohiribuutu la mimaidu masara ngohi topoa-poaka ho woara hiadono ai bajuoo de ka wodogunoaika ahi giamoka.” Hokogea ami boi ma demo o Yusupika hiadono hokogea midofanga ami rokatika.

1 Kokoano 18:17

De ka de o Ahaba wimake o Elia de wihitodokanika unangika witemo wato, “Abeika ngona, o Tobahikangela, ho naa de nomahimatoko abe ngona duru nahikangelaka o Isiraele ma nyawa!”

Higiriiri 37:14

Ona yotobadiai itotorou manga humaranga de manga toimi yagoraka, Yahidee yahibinaaha ona abe yohu-huha de manga kuranga ma ngoe. De yahidee onangika abe yotobadiai itiai la onangoo yatoma.

Huhupu 20:16

“Ngini ko idadiua o nyawa niadofa-dofanga de niahiade-ade itorou.”

Huhupu 23:1

De o Musa wogila-gila wadofanga o Isiraele ma nyawaika Ma Jou ai pareta ma demo, wato, “Ufa ngini niadofanga o nyawa utuika. Abe nako ma titi ko nihiorikua o nyawa manga ade-ade igoungu eko ko igoungua done ngini niadofanga de nielu-eluku. De ona yahowonoka abe ma oraha yatailako ma titi manga howono de ufa niahipongono de nieluku la gea niato niaduhunu.”

Matiusu 26:65

De ai demo gea ka de woihene manga hidimono wokokurutiye de ai baju wakakihoka angamoi duru wongamo de wotemo ai dodiawoika wato, “Abeika to Una naa ai ngelo ma demo Ma Jouika! Ibootohi o nyawa halingiri la iwihitaana ai howono. Nginioo niihenoka ai demo, abe ka Una dika ma hirete de Ma Jou wingelo. Abe Una ka o nyawa biaha dika de womahingahu wato ahao wogogere Ma Jouoka la ona yahinooto ihikoano mata-mataika. Nako ngohi, ai demo gea dika de iwihitaanoka ai howono! O hitaana utu ko hopereluokaua!