Dodadi 39:14 - Ma Jou ai Demo-demo o Totobelohoka

¹⁴ De muna momulaenge de ami boi ma dohata mohiboa-boaka hiadono manga duduhunu o nau-nauru manga ngoe yomapopaata yoboaino la ato imiduhunu. De muna hadongoo de imihowo-howo mato, “Abeika ai dorou una o huhuloko o Ibarani ma nyawaino gea! Ahi rokata una gea wiaoino de wonahimaleke. Una wohiribuutu ngohi la wato mimakitigi masara ngohi duru toluku ho hiadono topoa-poaka.

Dodadi 39:14 ပူးပေါင်းရင်းမြစ်များ

Dodadi 10:21

De o Yafete ai riaka o Seeme unangoo naga ai ngofa-ngofakuku, de ai kuwewete womatengo ai romanga o Ebere. De o Ebere una gea wodadi o Ibarani ma nyawa mata-mataika manga tofora.

Dodadi 14:13

De ahao naga womatengo onangino abe woara o loku-lokuiye, de una wato woiki wihingahu o Abaraamika ma titi hokokia manga musu yoboa de yahikangela. O Abaraama una abe ahao iwihiromangoli o Ibarani ma nyawa, de naa una abe woa-oara gea woboa o Abaraamino. De ma titi o parangi gea wiade-ade o Abaraamika de wato, “De ani ngofaka o Loti unangoo iwiaoka!” De naa o Abaraama wogogerohi to Mamere ai gota ma ago-agomo ma datekoka. O Mamere una o Amori ma nyawa de ai ria-dodoto o Esekolo de o Anere. De o ria-dodoto yahange gea duru yomaketedodiawo de o Abaraama hiadono ona iwihingahu ato, “Ani dodiawo naa imihange misanangi miniduhunu nako naga ani musu hokogea inihikangela.” Ka de o Abaraama woihene o Loti iwitaokoka de wihuloko ai duduhunika wato, “O nau-nauru abe yomakokiboa to ngohi ahi tau ma doomuoka de ona gea abe hadotokokau la yososawaro yoparangi kiani nakokiahokino mata-mata. Ona yaratuhu hange de yangimoi de yatufange ho ona mata-mata gea nakokitoomuino. Naa ngone hoiki la ahi ngofaka o Loti hihihupu nanga musu manga giamino.” Ka de hokogea wotemo de ai duduhunu woikoka de manga dodiawo gea wakokitoomu. De ipaha ona mata-mata yomahidiai ibooto de ahao yosobo ato o Kedoro-Lomere de ai dodiawo yahiduru ka hiadono yadaene. Ho yoiki yahiduru hiadono o Daana ma tonakika.

Dodadi 39:13

Ho ka de wominoaika o tau ma goronaka de ai bajuokahi naga ami giamoka de o Potifara ngoi fekata mihioriki abe duru woluku.

Dodadi 39:15

Abe ka de topoa-poaka de una wohawana ho woaroka de ai bajuoo ka wodogunoaika ahi giamoka naa.” Hokogea ami dadae ma demo o Yusupika.

Dodadi 39:17

De ahao miade-adeoli ami rokatika mato, “Ngohi naa ngoni fekata tohuha ma titi una o huhuloko o Ibarani ma nyawa gea abe nipaliarino, una gea wohihimaleke ngohi.

Dodadi 39:7

De ma oraha gea mata-mataika wohiaturu de o Potifara ngoi fekata duru mihafini unangika de mihigaro mato, “Ngona de ngohi naino la homaidu.” Hokogea mihafini o Yusupika ho mihigaro.

Dodadi 40:15

Ho to una ai demo abe naa tadofanga o Firaunika hokonaa, “Ngohi o Yusupu de duru tagoungu ihitaoko o Ibarani ma tonakino de ihifukunu nenangoka. De tanu ko iwa ma titi ngohioka abe ahi howono naga de ka ihibui ani tonakoka naa.”’” Hokogea o Yusupu womagahoko o duduhunu unangika abe witobaleleani o Firaunu ai akere ma oraha gea abe wihitararono ai buluhara ma titi unangika ibooto.

Sosawaro 10:18

Nako to ngone nanga dohata hahininga-gogono nanga badangoka masara homahingahu o nyawaika hato ko hahininga-gogonua, gea onangika habudioka ho ngone hotobaeluku. De nako ngone hatobahohedu de hatobahiade-ade o nyawa manga datoro gea duru hobodo angamoi ko hohiorikua homatongohono nanga uru ma demoino.

Matiusu 26:59

De doka o tau ma goronaka naga o Yahudi ma nyawa manga hohidimono abe yotobauru-urusu o nyawa yomakokitoomuinoka, abe naga ona yodadi manga hidemo Ma Jouiye manga hohidimono, de manga dodiawo utuoli naga ho ona mata-mata yongodumu genangoka. De ona gea mata-mata duru yolingiri ma titi la ka idadi iwihohonenge o Yesusu, ho o nyawa manga ngoe yahingahu onangika abe hokokia iwimake o Yesusu ai datoro ma dorou eko yoihene ai demo ma dorou. Masara moioo de ko amakeua ma titi la genangino ka idadi iwihohowono, angamoi o nyawa gea manga ngeluku ma demo ko imakadaenua.

Matiusu 5:11

De ahao o Yesusu wogila-gila wadotoko iwinii-niikika wato, “De nako ngini nihinii-niiki Ngohi de genangino ma titi abe o nyawa iniwea-weara nia roma-romanga de inihikangela nginika, de abe inihiade-ade de o ngeluku ma dorou nginika, de gea nginioo niamake ma hiowa Ma Jouino.

Lukasa 23:2

De ona iwitae-tae o Yesusika o Pilatusu ai himangoka ato, “Una naa abe wahirehene to ngomi mia nyawa, de ko wahigunoaua mia nyawa la yofangu manga pajaka ma tiwi ti ngini o Roma ma nyawa nia koano o Kaisarika. De hongoli Una naa womahingahu abe to ngomi mia Mesia abe ma dihirainohi de Ma Jou womihibehehongo wato ahao wihidingoto ngomiuku la wodadi to ngomi mia koano!”

2 Korintusu 6:8

De ngaro o nyawa imihoromati ngomino eko ngaro imingelo, masara ngomi ka wiwileleani dika Unangika. Angamoi igoungu o nyawa utu imisanangi masara utuoli imihohedu. De utu hiadono imitae ngomino ato bari mitobaelu-eluku, masara ngomi naa ma gou-goungu dika miahingahu-ngahu o nyawaika.

1 Peturusu 2:20

Masara nako hoka ngini niahowonoka de genangino ma titi hiadono inihikangela de inipoha-poha nginika, gea imakohowono. Angamoi ngaro nia kangela ma goronaka de nimatongohono, masara genangino ma utumu ko niamakeua, angamoi nia kangela gea tanu nia howonoka de aino iboa. Masara nako ngini abe ma rorahai dika nitobadiai de ka inihikangelahi nginika, de genangino de ahao niamake nia utumu Ma Jouino, iti nimatongohono nia kangela ma goronaka.