Dodadi 39:11 - Ma Jou ai Demo-demo o Totobelohoka

¹¹ Masara o wange moiuku una wokarajaanga o tau ma goronaka de o nyawa utu duru ko moi-moiua naga genangoka ho una womatengoka.

Dodadi 39:11 ပူးပေါင်းရင်းမြစ်များ

Dodadi 39:10

De ngaro o Potifara ngoi fekata duru o wange-wangeiye mihigaro-garo unangika masara duru o Yusupu woluku yomaidu o ngi moioka hiadono una ka ihikaika womidokaowara.

Dodadi 39:12

De muna moboa unangino de maino de ka itodokanino ai bajuika matauru de ami sanangi ma demo mato, “Naa ngona nadonoka ahi koiino!” Masara duru o Yusupu womipari-parihi la woara masara duru ai bajuika malegono de ma kee-keketika ho hiadono ka de woara de ai baju ihuputoka. Ho ai baju ka wodogunoaika ami giamoka de una woaroka ma tauino de wohupuoka.

Sosawaro 9:17

Abe o akere duru hamao imutiti gea ena o dohikino. De o inomo abe haolomo o gogogono ma ngioka ka enangohi de ma jameoka!”

Maleaki 3:5

De Ma Jou o Yawe duru Wokokurutiye wogila-gila wotemo nginika wato, “De ma oraha gea toboa la tinihohowono nginika. Abe Ngohi ko totaka-takaua toade-ade o nyawa manga howo-howono, masara gea ka tomoroini dika totemoiye. Abe onagona dika o dodiai yotobadiai, de abe yahowono ma titi yomaidu de abe ko manga fekatua eko manga rokatua, de ona abe yomahikoboto ato bari yotemo ma gou-goungu dika masara ka yoeluku o nyawa manga himangoka, onangika mata-mata tohidaere manga howo-howono. De onangoli tohidaere manga howono abe yahikarajaanga o nyawa masara yarusi ma titi manga hewa ma tiwino, de o nyawa onagona dika abe yarusi o ngo bao-baoika eko o gohihi ma ngofaka. De onagona dika abe ka yoluku yaduhunu o homoa ma nyawa abe yadioniki nginioka, onangoli tohidaere manga howono. Angamoi o nyawa homoi-homoi abe manga datoro ma dorou hokogea, ona ko iwa manga horomati de manga modongo Ngohino.” De hokogea Ma Jou o Yawe Wokokurutiye ai hitararono ma demo ma titi ai hohowono nginika.

Efesusu 5:12

Angamoi nako ona abe ko iwingaku-ngakuahi Ma Jouika, ona gea manga datoro naga abe yoiki yomatohi-tohiki yodiai la yato ufa o nyawa yahioriki. De manga datoro gea duru o himaleke ma amoko, abe nako ngone hofetongo dika ma titi ena gea de inahimalekoka.

Efesusu 5:3

Ho mangale ngini nidadioka to Ma Jou ai debi-debini ma nyawa, ho ufa hiadono naga nginioka ma dorou abe hoka o nyawa yomatengo de yomakitigi de abe ko manga fekatua eko manga rokatua. De ufa hiadono naga nginioka nimahitorou, eko naga nia horoodo o kiahonangika. Masara gea mata-mata ma hohutuloo de ufa nihigunoa nia hidogoronaka.