Dodadi 39:10 - Ma Jou ai Demo-demo o Totobelohoka

¹⁰ De ngaro o Potifara ngoi fekata duru o wange-wangeiye mihigaro-garo unangika masara duru o Yusupu woluku yomaidu o ngi moioka hiadono una ka ihikaika womidokaowara.

Dodadi 39:10 ပူးပေါင်းရင်းမြစ်များ

Dodadi 39:11

Masara o wange moiuku una wokarajaanga o tau ma goronaka de o nyawa utu duru ko moi-moiua naga genangoka ho una womatengoka.

Dodadi 39:8

Masara o Yusupu woluku abe womipaluhu ai hidimono ngoi fekatika wato, “Abeika, ahi baluhu una duru wohingaku ngohino hiadono ko iwa moi la ko wohingakua tohiaturu.

Dodadi 39:9

Ko iwa moi o tauoka naa manga kuaha abe hoka ngohioli hiadono ai kiahonanga mata-mataika ahi kuahaka. Masara ngona abe ngoi fekata duru ko idadiua toniso. Ho done sarakia ani hininga taniiki hiadono ngohi todiai hokogea duru itorou? Gea duru o howono ma amoko Ma Jouika.” Hokogea o Yusupu womioluku.

Sosawaro 1:15

Ho gea ahi ngofa-ngofaka duru tinihitiari nginika la ufa nianiiki ona gea abe inihigaro hokogea. Ho ka de manga higaro gea niihene de kiani nimataiti niadokaowara.

Sosawaro 2:16

De ahi ngofaka ahi higaro ma demo o sosawaroka de aino ahao iniduhunu la ka idadi nomiporete o ngofeka matobahowono de o nauru yowoe-woeika. Muna gea mosabaranga molingiri o nauru abe mososawaro matobahigaro o naurika la yomakitigi. Masara ngona nadokaowara o ngofeka hokogea mangale naga o hitiari ma demo ani sosawaroino imanoa ani hiningaka. Ho ami higaro ngonaika, abe ami demo ma ilingi ma mutiti, gea ufa nohigihene enangika.

Sosawaro 5:3

De ahi hingahu naa ma titi o ngo-ngofekaika abe to ona manga datoro o naurika itorou. To ona manga higaro ma demo imaketero hoka o gula-gula iwihidoaka o naurika ho de ma mutitoka manga demo hiadono to una ai hininga adaene ami demoika. De manga ilingi inouhu hiadono iwitauroka ai hininga ho wominiikoka!

Sosawaro 5:8

Ho ka de o ngofeka manga demo nginika hokogea de niloaroka! Ngaro to muna ami tau ma ngoranika nomahitigi ma, ufa! Kiani duru nomidokaowara o ngofeka hokogea.

Sosawaro 7:13

Ho ka de muna naa mibuhuku ma goduuruika de mikooino de mibounu unangika de ami himangoka ko iwa ami hawana abe ahao o nyawa utuino imimake modiai hokogea.

Sosawaro 7:5

Hokogea nomahigagao o sosawaroika de ahao ahi hiowa ma demo idadi o dudumungu ani wowangoka la ko nominiikua o ngofeka abe moigo yomakitigi de onaguna dika abe ko ami rokatua. De gea angamoi o hiowa ma demo idadi ani buturungu hiadono ko idadiua moniakunu ami higaroino ngaro duru mososawaro matobahigaro o naurika ma ka idadi nomidokaowara angamoi nomahigagao o sosawaroika.

Sosawaro 9:14

De o ngo Bodo mogogeruku ami tau ma ngoranoka abe naga o ngekomo ma datekoka. Abe ami tau gea imanoa daku o kota ma honongaka abe ka enangohi ikurutiye la genangoka utuohi yowoe o nyawa abe yoboa imitilakuru.

Sosawaro 9:16

De o ngo Bodo gea ka de mimake de miahoko mato, “Ei ngona ka idadi nohidulu ngohino! Abeika nowohamino angamoi ngaro onagona dika abe manga tobahioriki ka ikurangohi, ona gea ka idadi ngohino dika ihidulu-dulu!

1 Korintusu 15:33

Ho naa ngohi tinihitiari tato, “Ngini naa ufa hiadono inihirehene hokogea!” Angamoi naga o demo ma dulu moi inahitiari ato, “Nako hadodiawo onangika manga datoro itorou, ahao to ngoneoo nanga biaha idadioka ma dorou.” Hokogea inahitiari o demo ma dulu gea.

1 Korintusu 6:18

Ho naa ngohi tinihitiari hokonaa. Ufa ko nimakitigi abe ko itiaiua! Ma kiani nia badangoka o howono gea kiani nianoaka! De o demo moioli naga yotemo-temo nginioka ato, “O howono o kia dika ngone hodiai, de gea ko inataulinoua nanga badangino de ma howono gea ko iwa ma hofoko nanga badangoka.” Marai hokogea yotemo-temo, masara gea manga demo ko itaanua. Angamoi abe ona yomakitigi ko itiaiua, ona gea yahowonoka duru to ona ma hirete manga badangoka, de gea manga howono ma hofoko naga abe yahikatingaka ona Ma Jouino.

1 Tesalonika 5:22

Masara nako o nyawa manga demo abe niatailakoka de ko igoungua, genangika mata-mata ufa nihigihene de ufa nihingounu manga demo gea ma dorouika.

1 Timotiusu 5:14

Gea ho hiadono ngohi tomihigaro munangika tato, koaho muna moilakoli la ka idadi o ngofaka momamakeoli, de hiadono to muna ma hirete ami tauokahi ka idadi mohikaaturu. De nako hokogea modiai, ahao ona abe inatobalawana ko yamakeua ma titi hiadono ka idadi inahohowono ngoneino ma titi o ngofeka yofao-faoino gea.

2 Timotiusu 2:22

De gea ma titi ho hiadono tonihitiari ngonaika tato kiani nomatongohono ma dorouino. Abe ma dorou gea o nyawa utu abe ka o goohi ona gea yotobahafini genangika. Masara ngona kiani natobaniiki ma totiaiika, de kiani natobangaku ma gou-goungika, de kiani nidora Ma Jouika de o nyawa utuikaoo nadora, de kiani ani gogianongoru nao irahai la ani hininga naga de ma riidi. De abe ani gogianongoru genangoka, onagona dika abe manga hininga hatoli ikurangohi itebini ai himangoka, ufa nimaketedodiawo ngona de ona. Masara nako onagona dika abe onangoo manga hininga la iwileleani Ma Jouika de manga hininga ma debi-debini, ona de ngona gea ka idadi nimaketedodiawo niwileleani Unangika.

1 Peturusu 2:11

Ahi gogianongoru abe duru tinidora nginika, ngini tanu nimaketero hoka o homoa ma nyawa de gea ngini o dionikino ma nyawa o duniaka naa angamoi nia gogere ma gou-goungu gea nagau o Horogaka. Ho gea ngohi tinihigaro nginika la ka ihikaika nimatongohono de ufa nianiiki nia badanga ma horoodo ma dorouika. Abe nia horoodo gea imakalawana de ti ngini nia hininga abe Ma Jouoka de aino iboa.