De ahao ma oraha ai ria-riaka yolomo de yamake o Isimaele ma nyawa manga ngoe yoboaino abe manga dodagi ma goronaka de gea manga dumutu o Mesiirika. To ona manga gogere o Gileada ma tonakoka abe ma romanga moioli o Midiana. De ona naa yapake manga unta la manga kiahonanga ihibarene de yao o Mesiirika. Manga kiahonanga gea o gota ma hilo o fara hange abe ma roma-romanga o damara, o balama de o muuru. De o hilo mata-mata gea de ma ijaka ho hiadono yao o Mesiiri ma tonakika la ato yofukunu genangoka.
Dodadi 39:1 - Ma Jou ai Demo-demo o Totobelohoka1 O Isimaele ma nyawa gea abe yotobafuku-fukunu manga kiahonanga, ona ka de yomahiadonika o Mesiiroka de onangoli o Yusupu iwifukunoli. De o Mesiiri ma nyawa abe wiijali ai romanga o Potifara. De una gea wokarajaanga o Mesiiri manga koanoka abe iwihiromanga o Firaunu. De o Firaunu ai gogoana manga ngoe de ona mata-mataika manga hidimono gea o Potifara. De gea una abe o Yusupu wiija. အခန်းကိုကြည့်ပါ။ |
Dodadi 39:1
7 ပူးပေါင်းရင်းမြစ်များ
Hokogea o Yehuda ai demo de ai ria-dodoto iwihigihene ho ka de ona abe yoboa o Midiana ma tonakino gea yomahitiginoka de o Yusupu ai ria-riaka iwihihupu o humuino de iwifukunu onangika de ai ija o haaka ise-senge monaoko. De gea iwifanguoka de ahao o Isimaele ma nyawa gea o Yusupu iwiao o Mesiiri ma tonakika.
De doka o Mesiiroka yomahiadonoka o Isimaele ma nyawa gea abe yoboa o Midiana ma tonakino. Ona gea abe o Yusupu iwiijaino de naa ka de yomahiadonika de o Yusupu iwifukunokali. De womatengo ai romanga o Potifara gea una abe o Yusupu wiijali la wihidadi ai huhuloko. O Potifara gea wokarajaanga o Mesiiri manga koanoka abe iwihiromanga manga Firaunu. De o Firaunu naga to una ai gogoana manga ngoe de ona mata-mataika manga hidimono gea o Potifara.
ကြော်ငြာတွေ