Dodadi 38:29 - Ma Jou ai Demo-demo o Totobelohoka

²⁹ Masara ai giama gea wohigiliokali de ai dodiawoli womahiwalimi ho ka una wohira womaboa. Ho muna momiduhunu gea moheranga de mato, “O kia naa? Done sarakia de ngona nohira nomaboa?” Hokogea ami heranga ho hiadono una gea ahao ona iwihiromanga, “o Hiribuutu” abe de to ona manga demo gea, “o Perese.”

Dodadi 38:29 ပူးပေါင်းရင်းမြစ်များ

Dodadi 38:28

De ami ngofaka womatengo una wohira ai giama ihupu ho muna gea abe momiduhunu o ngo Tamara ka de mamake ai giama gea de mipakitika de o lawe ma doka-dokara de mato, “Naa una titunguu abe una naa wohira womaboa.”

Dodadi 46:12

O Yehuda ai ngofa-ngofaka manga romanga: o Era, o Onana, o Siela, o Perese de o Sera; masara o Era de o Onana yohonengoka ma oraha yogogerohi o Kanani ma tonakoka. De naga o Yehuda ai danongo abe o Perese ai ngofa-ngofaka manga romanga: o Heserono de o Hamulu.

Matiusu 1:3

De ukuoli o Yehuda ai ngofaka o Perese de o Sera, abe ona gea to ona manga meme o ngo Tamara. De ukuoli to Perese ai ngofaka gea o Heserono, de ukuoli to Heserono ai ngofaka o Rama.

Lukasa 3:33

De iyeoli o Nahasono una o Aminadaba ai ngofaka, de o Aminadaba una o Adamina ai ngofaka. De iyeoli o Adamina una o Arini ai ngofaka, de o Arini una o Heserono ai ngofaka. De iyeoli o Heserono una o Perese ai ngofaka, de o Perese una o Yehuda ai ngofaka.

Ruutu 4:12

De ngonaoo minigahoko Ma Jou o Yaweika la muna o ngofeka ka o goohi naa Ma Jou womipake la to ngona ani ngofaka de ani totoforauku yowoe-woeuku. Abeika nanga ngoe o Yehuda ma nyawa homahidutu o Peresika abe una o Yehuda de o ngo Tamarino manga ngofaka de una gea wodadi to ngone mata-mata nanga tofora. Hokogenangoo de ngomioli minigahoko Ma Jou o Yaweiye la to ngonaoo ani totoforauku manga ngoe abe o ngo Ruutino namake.” Hokogea o Beteleheeme ma nyawa manga hiowa ma demo o Boasika.