Dodadi 38:20 - Ma Jou ai Demo-demo o Totobelohoka

²⁰ De ai dodiawo o Hira gea widuhunu o Yehuda la ami kabingi gea womidotaka munangika la ka idadi wohigilio o Yehuda ai kiahonanga abe muna masoinohi. Masara womahiadono o Enaimi ma kapongika de ngaro duru womilingiri ma, ko womimakeua o ngo Tamara gea.

Dodadi 38:20 ပူးပေါင်းရင်းမြစ်များ

Dodadi 20:9

Ho ahao o Abimeleke wibehehongo o Abarahaama la woboa ai himangino. Ho una woboaino de o Abimeleke wileha wato, “Hobata, naa moi tonileha, sarakia, ngona nato bote tahowonoka ngonaika hiadono nomahibalaha ngohino? Eko o kia ma titi hiadono nohiaturu la Ma Jou womihohowono hokonaa ngohi de ona abe tahikoano? Ngona notemo nato o ngo Sara ngoni firanga ma gea nomibudi ngomino. De gea ko itiaiua ngona nodiai o nyawaika.”

Dodadi 38:1

De ma oraha gea abe o Yusupu iwifukunika o Mesiiroka de doka o Kanani ma tonakoka ai riaka o Yehuda una womahihupu ai baba de ai ria-dodotino de woiki o Kanani ma dobikika ma romanga o Adulama. Genangoka o Yehuda widodiawo o Adulama ma nyawaika ai romanga o Hira.

Dodadi 38:19

De ka de o Yehuda wosoboka de muna ami himanga ma dadatoko mahuputoka de o bao-bao ma baju momahinoa enangoli hoka ami biaha mapake. Muna hokogea o Yehuda mibudi de ahao molio ami baba ai tauika.

Dodadi 38:21

De gea angamoi muna ko imiwa ma tauoka gea abe o Yehuda de muna yapake. Masara naga o nau-nauru genangoka ho o Hira waleha onangika wato, “O kiaka muna gea abe ami biaha ami badanga mafukunu la gea momahihuba ami pangaoika? De gea muna tomilingiri abe mogogeruku o ngekomo ma datekoka nia kapongo ma himangoka angamoi naga ahi perelu munangika.” Hokogea o Hira waleha o nau-naurika genangoka. De ona yopaluhu ato, “Masara ko imiwa mia kapongoka! De ngomi ko minielukua, duru ko moiua o ngofeka ngomioka abe ami biaha hokogea.”

2 Samuele 13:3

Masara nagali o Anono ai dodiawo womatengo abe ai romanga o Yonadaba, de una gea tanu ai dutu adaene angamoi ai baba o Simea, de o Simea gea o Dautu ai riaka womatengo.

Lukasa 23:12

De ma wange gea de ahao o Herodese de o Pilatusu ona yomaketedodiawoka. Abe ma dihirainohi de ona duru yomakodohata, masara naa ko hokogenangokaua.

Hihira 14:20

Ho ahao ngoi fekata ami dimono imihigogilakoli womatengoika abe una gea ma oraha o Simsono woilaka de una duru ai datekoka widodiawo. Ho naa o Simsono ngoi fekata muna modadi to unangoli ngoi fekata abe una o Simsono ai rame-rame ma dodiawo yamoruangeino.