Dodadi 38:16 - Ma Jou ai Demo-demo o Totobelohoka

¹⁶ Ho ai hininga womihingahu munangika abe woigo la yomaidu de muna angamoi ko womihiorikua muna gea o ngo Tamara ngoi hunungu. De muna ko ma orahuahi yomaidu de mileha unangika mato, “Ho ngona de o kia nofangu ngohino?”

Dodadi 38:16 ပူးပေါင်းရင်းမြစ်များ

Dodadi 38:15

Ho gea o Yehuda woboaino de womimake de wato bote muna gea igoungu o ngofeka abe ka idadi womihewa la womaidu de muna angamoi momaaduru hoka ona yomatobafukunu manga biaha abe ami himanga matatokoka de o ngoere gea.

Dodadi 38:17

De o Yehuda wopaluhu munangika wato, “Nako ngohi ahao tonihidoaka moi o kabingi ma goo masara gea ahao tohidingoto la o nyawa yototaka ngonaika.” De muna mopaluhu unangika mato, “Masara ani behehongo gea ahao hokokia hiadono ngohi tamake? Ho kiani nagali moioli ma dodunguu nohihidoaka ngohino la duru tohioriki abe ahao tamake ahi kabingi.” Hokogea muna mogahoko.

2 Samuele 13:11

Masara abe ma oraha muna mohitoofo ami goronaka de una womiso de womihuloko wato, “Ngohi biranga abe duru ahi hininga adaene ngonaika, abeika nainohi la ka idadi ngone homakitigi.”

Matiusu 26:15

De una waleha onangika wato, “Nako o Yesusu tinihidoaka nginika, gea ahao o tiwi ma gahumu muruono nihihidoaka ngohino?” De woleha ibooto de ona iwihidoaka unangika ma gahumu moruange o tiwi ise-senge abe o haakaino yodiai.

1 Timotiusu 6:10

Angamoi nako o tiwika yoodora, genangoka de aino iboa ma dorou irupa-rupa, abe ma hafini gea hoka idadioka ma dorou iwoe-woe ma lifunu. De mangale ma titi o nyawa utu manga horoodo o tiwika hiadono ona yomahirehenoka abe yooporetoka manga ngongaku. De manga ngongakuino yomahirehenoka de hiadono ona duru yomahihuha ma ngoe de yamao hoka manga hiningaka yatopoko angamoi manga horoodo gea. Ho ngone koaho hamao nanga hiningaka abe Ma Jou ai hidailako ngoneino inawedono.