Dodadi 38:1 - Ma Jou ai Demo-demo o Totobelohoka

¹ De ma oraha gea abe o Yusupu iwifukunika o Mesiiroka de doka o Kanani ma tonakoka ai riaka o Yehuda una womahihupu ai baba de ai ria-dodotino de woiki o Kanani ma dobikika ma romanga o Adulama. Genangoka o Yehuda widodiawo o Adulama ma nyawaika ai romanga o Hira.

Dodadi 38:1 ပူးပေါင်းရင်းမြစ်များ

Dodadi 38:12

De ahao o Yehuda gea ngoi fekatoo munangoli mohonenge. Ngoi fekata gea muna abe to Sua ngoi ora de muna o Yehuda womigari gea ka hiadono ko wokarajaangua. Ho ma oraha ai huha ma gari ibooto ma titi ngoi fekata womigari de ahao una wapoali wokarajaanga. De ma oraha gea ai domba ma gogoana wato watutumu. Ona naga o ngi moiokali ma romanga o Timana de genangoka ai domba yotobaguti-guti ma gogo. Ho ai dodiawo o Hira, o Adulama ma nyawa gea, una de o Yehuda yoiki yomakiniiki yotowongi o Timanika.

Dodadi 38:20

De ai dodiawo o Hira gea widuhunu o Yehuda la ami kabingi gea womidotaka munangika la ka idadi wohigilio o Yehuda ai kiahonanga abe muna masoinohi. Masara womahiadono o Enaimi ma kapongika de ngaro duru womilingiri ma, ko womimakeua o ngo Tamara gea.

2 Kokoano 4:8

De o wange moiuku o Elisa woiki o Suneme ma kotaika de naga o ngofeka duru mokaya abe mogogere o kotaka gea de muna miahoko o Elisa la una ka idadi wolomo ami tauoka. De ahao nako o Elisa ai dodagi ma goronaka de kiani watilakuru o kota gea de una wotulu ami tauika de wolomo genangoka.

Sosawaro 13:20

Ngone abe hadodiawo onangika yosoo-sosawaro, ahao to ngoneoli nanga sosawaro ka idogo. Masara nako homakiniiki de o bodo ma nyawaika, ahao o kangela inadodamaa.

Sosawaro 9:6

Ngohi tinihigaro la kiani nianoaika nia wowango ma datoro abe duru aniiki o bodo ma hininga. Ti ngini nia wowango ma datoro ma biaha kiani gea nioporetika la nimangalioli o datorika abe genangino niamake o wowango ma gou-goungu. Ti ngini nia perelu o dodotoko abe genangino niamake o sosawaro abe inihidumutu o sosawaro ma ngekomika.

Hihira 4:18

Ho ka de muna mimake o Sisera woboaino de mohupu ami tauino mibuhuku de mato, “Ahi baluhu nowohamino. Ngaro ufa ngona nohawana.” Hokogea o ngo Jaele miahoko ho wowohama ami tau ma goronaika de ahao muna migogono abe mitamunu de o nanao ma biri-birini.

1 Samuele 22:1

De ahao o Dautu o Gaata ma kotaka de wosobo de woaroli o aruku moiika abe ko ikurutikaua de o Adulama ma kota, de womagogono ma aruku gea ma goronaka. De ko iwitedekanuahi genangoka de to una ai ria-dodoto de ai gogianongoru utuoli onangoo yoboa unangino de yomanoahi unangoka.