Dodadi 37:6 - Ma Jou ai Demo-demo o Totobelohoka

⁶ Abe una waade-ade onangika wato, “Abeika o futuika ahi buluhara!

Dodadi 37:6 ပူးပေါင်းရင်းမြစ်များ

Dodadi 37:5

De o futu moiuku o Yusupu wobuluhara de ai buluhara ma dola waade-ade ai ria-riakika. Ka de ai buluhara gea yoihene de manga dohata idogoli hiadono ilamoko unangika.

Dodadi 37:7

Ngone o tau moi hongodumu o redioka hokarajaanga abe nanga gandumu hohidotoino de ma roehe ka ma moi ibooto de ahao hapaki-pakitino o papakiti amomoi. De to ngohi abe tapakitino ena imaokoiye duru imaboo-bootiye masara ti ngini homoi-homoiika abe niapaki-pakitino gea ena ikokiboa to ngohino de akilolitino de imaponu-ponuku to ngohi ahi papakitika.” Hokogea o Yusupu ai buluhara ma ade-ade.

Dodadi 42:9

De ahao o Yusupu womahohininga una de ona ma titi ai buluharoka abe ma dodihiraino gea. De watemo onangika wato, “Ngini naa marai o nyawa abe nia hidee la niato nimingino ho marai naga inihuloko la niboaino mia tonaka naa niatailako la nihioriki o kiaka ko iwa ma gogoana!” Hokogea o Yusupu ka wahiree-reeika ai ria-riakika.

Dodadi 44:18

De ahao o Yehuda womatotomoroini woaguru waika o Yusupu ai himangika de ai roria-dodoto waademo ka ma moi wato, “Ahi baluhu, ngohi naa tato kiani ngomi tomidemo ngaro de ahi demo ma hohutulu dika ngonaika. De duru tonganono ko nohingamoua ngohino angamoi ahi baluhu hoka nodadioka o Mesiiroka manga koano.

Hihira 9:7

De ipahaino de o Gideono ai ngofaka ma baha o Yotama una woihenino abe o Abimeleke iwigoraka la wahikoano o Sikeme ma nyawaika. Ho una wodoa o Girisimi ma loku ma tubuiye la ka idadi o nyawa dau ai timiuku yoihene ma oraha wabobanarata onanguku. De gea una waamo-amokiye wato, “Ngini o Sikeme ma kota manga balu-baluhu, abeika nitotoihene ahi demoino! Angamoi nako ngini nihigihene, marai Ma Jou Unangoo ka idadi winigihene nginika!”