Dodadi 37:35 - Ma Jou ai Demo-demo o Totobelohoka

³⁵ De ngaro ai ngofaka de ngoi ora ona mata-mata iwilaru masara manga lalaru ma demo gea waoluku wato, “Ahi huha naa ko itoa-toakua ka hiadono tohidohonenge.” Hokogea o Yakubu wotemo de ahao ka woariokali.

Dodadi 37:35 ပူးပေါင်းရင်းမြစ်များ

Dodadi 25:8

Hokogea ai wowango ma dekana de ahao o Abarahaama wohonenge ho gea duru iwiperekioka ma oraha wohonenge.

Dodadi 31:43

De ahao o Labana wopaluhu unangika wato, “Abeika, o ngo-ngofeka naa to ngohi ngohi ora-ora, de manga ngofa-ngofaka naa to ngohi ahi dano-danongo mata-mata. De ngaro ani duduono mata-mataika gea tanu to ngohi, de ani kiahonangoo ma gea to ngohi. Ho mata-mata hamake nenangoka to ngohi. Masara ngohi hokokia todiai la ufa tahikangela ngohi ora-ora de ahi dano-danongo?

Dodadi 35:29

Hokogea duru o Isaka iwiperekioka de ahao ai ngomaha itoaka ho unangoo wohonenge ho wahidotoomuino ai totoforaka manga jiwa ma ngioka abe ona yododihiraika yohonenge. De o Isaka ai ngofaka o Esau de o Yakubu yomakuduhunu iwilungunu manga baba.

Dodadi 42:31

Masara ngomi wiwihitararono unangika abe hokogenangua ma titi miboa naa abe ngomi o nyawa abe mia demo duru ma gou-goungu dika.

Dodadi 42:38

Masara ka de gea woihene de o Yakubu ai hininga ma huha ka idogo dika de wato, “Ngona kiani nototoihene ahi demo naa, ahi ngofaka o Benyamini, ko woikua! To una ai riaka wohonengoka ho ka unangokahi abe ngoi meme ami ngofakino ho ko tihigunoaua! Abeika ahi pea naa iarehoka ho nako unangoo ahao wobodito de ahi hininga ma huha dika de hiadono tohidohonenge!” Hokogea o Yakubu ai hininga ma huha ma demo.

Dodadi 45:28

De wotemo wato, “Ihiwedono tiningaku nginika! Ho igoungu ahi ngofaka o Yusupu ka wowangohi! De ngohi toigo toiki la timakeohi ahi ngofaka o Yusupu ho ngaro ahao ngohi tohonenge ma iti timakeokahi.” Hokogea o Yakubu ai garago ma demo.

Dodadi 48:11

De ahao wotemo de ai heranga ma demo o Yusupika wato, “Abeika, ngohi ma dihira ko tonganonokaua duru ahao to ngona ani himanga tamakeoli masara Ma Jou wohiduhunu hiadono ka idadi tonidaene ngona de hiadono ani ngofa-ngofakoo wohihigunoa la tiniborimake.” Hokogea manga ete ai demo o Yusupu de ai danongika.

2 Samuele 12:17

De ona o dimo-dimono ai tau ma goronaka yoboaino de yomaokoino ai datekoka de duru iwilaru de iwihigaro la hiadono womomiki la wolomo masara una duru woluku de ngaro o wange tumidi ma dekanino ma ko wolomua.

2 Samuele 12:23

Masara naa ahi ngofaka wohonengoka de ko idadiokaua tiduhunu ho de ma titi o kia de o inomo tolukohi? Ka idadi ngohi todiai la timomiki ai honengino? Ko tadadiua! Ahao naga ma oraha abe ngohi toboa unangika masara una ko idadiua wolio ngohino.” Hokogea wahitararono onangika.

Tobadotoko 9:10

“O karajaanga o kia dika abe naga ani sosawaro de ani tobahioriki genangika de nako ngona nato nokarajaanga, gea nomagawe enangika de nodiai de ani buturungu ma gahumino. Tinihigaro hokogea angamoi ko itedekanua de ahao nomanoa yohone-honenge manga ngioka abe genangoka ko iwa o karajaanga, de ani hidee ma, enangoo ko iwaka, de ngaro ani sosawaro de ani tobahiorikoo ma, ko iwaka o lungunoka.”

Yeremia 31:15

Hokonaa Ma Jou o Yawe wonahingahu wato, “Ona o Rama ma kapongoka manga huha ihigari, Ona o ngo Rahele ami totoforauku manga huha ma gari. De manga gari gea duru kohaamokiye, Angamoi gea manga ngofa-ngofaka yagari, De ngaro o nyawa yalaru ma ko yomatogumua yoari, Angamoi manga ngofa-ngofaka gea ko yaiwaka.”