Dodadi 37:33 - Ma Jou ai Demo-demo o Totobelohoka

³³ Ka de manga hingahu gea woihene de manga baba duru iwitodokana de wato, “Adoo, marai ahi ngofaka iwigolioka o fuhuku ma aewani! Gea ena igoungu to una ai baju abe itaana duru o Yusupu iwiolomoka hiadono ai badanga ihikokatingakoka.”

Dodadi 37:33 ပူးပေါင်းရင်းမြစ်များ

Dodadi 37:20

Abeika, nako una hitoma ibooto de ahao hiumo o nyawa manga baituku. De ahao ka idadi nanga baba hihingahu dika hato o fuhuku ma aewani iwigolioka. Gea de ngone ahao hamake hokokia to una ai buluhara idadi.”

Dodadi 37:32

De ahao ai baju ma rorahai gea iwihimatoko manga babaika de iwileha ato, “Naa ena miamake o tonaka ma homoaka de sarakia gea o Yusupu ai baju eko ko to unangua?”

Dodadi 42:38

Masara ka de gea woihene de o Yakubu ai hininga ma huha ka idogo dika de wato, “Ngona kiani nototoihene ahi demo naa, ahi ngofaka o Benyamini, ko woikua! To una ai riaka wohonengoka ho ka unangokahi abe ngoi meme ami ngofakino ho ko tihigunoaua! Abeika ahi pea naa iarehoka ho nako unangoo ahao wobodito de ahi hininga ma huha dika de hiadono tohidohonenge!” Hokogea o Yakubu ai hininga ma huha ma demo.

Dodadi 44:20

De ngomi minihingahu miato, ‘Mia baluhu, igoungu mia baba nagahi masara una iwiperekioka de nagahi womatengoli mia dodoto ma baha abe womaboa ma oraha mia baba iwitimonoka. Masara to una ngoi meme ami ngofaka ka yahinooto dika masara ma riaka una gea wohihangoka ho mia baba ai ngofaka manga memeino gea ka unangokahi mia dodoto naa de duru mia baba widora unangika naa.’ Hokogea minihingahu ngonaika.”

Dodadi 44:28

De womatengo woikika de ko timakeokaua angamoi marai o fuhuku ma aewani iwigolioka ho hiadono ai badanga ihikokatingakoka.

Dodadi 48:11

De ahao wotemo de ai heranga ma demo o Yusupika wato, “Abeika, ngohi ma dihira ko tonganonokaua duru ahao to ngona ani himanga tamakeoli masara Ma Jou wohiduhunu hiadono ka idadi tonidaene ngona de hiadono ani ngofa-ngofakoo wohihigunoa la tiniborimake.” Hokogea manga ete ai demo o Yusupu de ai danongika.

1 Kokoano 13:24

Ho Ma Jou ai uru ma dodofanga gea wofarene ma keledai ma poretuku de wosobo. Masara ai dodagi ma gogiriaka de naga o fuhuku ma boki o singa iwibaata unangika de iwihohonenge. Iwihohonengoka de ai honenge naga imaiduiha dika ma ngekomoka, de ma keledai de ma singa gea imaokoino dika ai honenge ma datekoka.

2 Kokoano 2:24

De o Elisa woihene manga demo gea ho womadogilioro la womalega onangika. De ahao una wapake Ma Jou o Yawe ai romanga la wahikoboto onangika. Ho ka de wahikoboto ipaha de naga o fuhuku ma aewani o beruanga o dutu hinooto ka itodokanino ihupu o gota-gotaka de aino. De ma beruanga gea iboaino de yagoli-goli de yatobakakihi ma goo-goduuru manga ngoe hiadono naga yamoruata de yahinooto abe duru yalabo manga badangoka.

Sosawaro 14:15

O nyawa abe yotangakuholi ngaro ma demo o kia dika masara ka idadi yongaku enangika. Masara ona yosoo-sosawaro duru yatailako manga hininga ma dodagi la ka idadi ihioriki manga dumutu o kiaika.

Yohanese 13:7

De o Yesusu wopaluhu unangika wato, “Ngona ko nohiorikuahi ma titi naa todiai masara, ika-ika de ahao ma titi nohioriki.”