Dodadi 37:24 - Ma Jou ai Demo-demo o Totobelohoka

²⁴ Ho ai baju gea iwioraka de ahao iwiumo o baituku abe kohagurutuku. De o nyawa manga baiti gea abe biaha yapake hoka o humu abe nako ma oraha o awana de ahao naga ma akere genangoka masara abe naa iwiumo gea ko iwa ma akere ho ma duu-dudungu.

Dodadi 37:24 ပူးပေါင်းရင်းမြစ်များ

Dodadi 37:23

Ho gea o Yusupu womahiadonoka onangika de ai baju ma rorahai yahuputu yokokahigoraka. De ai baju gea ena abe duru irahai de ma bunga-bungaka.

Dodadi 37:25

De ahao ma oraha ai ria-riaka yolomo de yamake o Isimaele ma nyawa manga ngoe yoboaino abe manga dodagi ma goronaka de gea manga dumutu o Mesiirika. To ona manga gogere o Gileada ma tonakoka abe ma romanga moioli o Midiana. De ona naa yapake manga unta la manga kiahonanga ihibarene de yao o Mesiirika. Manga kiahonanga gea o gota ma hilo o fara hange abe ma roma-romanga o damara, o balama de o muuru. De o hilo mata-mata gea de ma ijaka ho hiadono yao o Mesiiri ma tonakika la ato yofukunu genangoka.

Dodadi 42:21

Masara ona yomakoketemo de to ona dika manga demo yapake ato bote ko wohiorikua. Ho yotemo ato, “Abeika, ngone naa ngade-ngade de hoboditoka, de gea ma titi nanga howono nanga dodoto o Yusupika! Ma dihira gea hihikangela de hamake ai hininga ma huha de hoihenika womahigaho-gahoko o duduhunu ngoneino masara ngone ko hilegaikaua nanga dodotika. Gea duru ma titi hiadono ngone naa hokangela!” Hokogea yomatoduba yotemo duru o Yusupu ai himangoka.