Dodadi 37:23 - Ma Jou ai Demo-demo o Totobelohoka

²³ Ho gea o Yusupu womahiadonoka onangika de ai baju ma rorahai yahuputu yokokahigoraka. De ai baju gea ena abe duru irahai de ma bunga-bungaka.

Dodadi 37:23 ပူးပေါင်းရင်းမြစ်များ

Dodadi 37:22

De gea ma titi o kia ho hiadono hato itiai ai awunu hakopoa? Koaho hiumo ai ngango dika o tonaka ma baituku de gea ika-ika de ahao wohonenge genangoka ho ngaro ufa dika de ai awunu hakopoa.” Hokogea o Rubene ai demo angamoi ai hiningaka womatemoka wato, “Nako hokogea dika yodiai de ka idadi ngohi ahao tomatohiki tigilio la ka idadi tihihupu de tingotaka o babaika la ufa wobodito ahi dodoto.” Hokogea o Rubene ai hininga.

Dodadi 37:24

Ho ai baju gea iwioraka de ahao iwiumo o baituku abe kohagurutuku. De o nyawa manga baiti gea abe biaha yapake hoka o humu abe nako ma oraha o awana de ahao naga ma akere genangoka masara abe naa iwiumo gea ko iwa ma akere ho ma duu-dudungu.

Dodadi 37:3

De nako o Isiraele ai ngofaka ona mata-mataika ma, ka o Yusupohi duru widora angamoi una iwiperekioka ma oraha o Yusupu womaboa. De ma titi duru wisanangi o Yusupika ho wihidoaka unangika ai baju ma gogurutuku de duru irahai.

Dodadi 42:21

Masara ona yomakoketemo de to ona dika manga demo yapake ato bote ko wohiorikua. Ho yotemo ato, “Abeika, ngone naa ngade-ngade de hoboditoka, de gea ma titi nanga howono nanga dodoto o Yusupika! Ma dihira gea hihikangela de hamake ai hininga ma huha de hoihenika womahigaho-gahoko o duduhunu ngoneino masara ngone ko hilegaikaua nanga dodotika. Gea duru ma titi hiadono ngone naa hokangela!” Hokogea yomatoduba yotemo duru o Yusupu ai himangoka.

2 Samuele 13:18

De ai duduhunu wihingounu unangika ho womiaoika de wohidukusi ma ngorana gea. De to muna ami pakeanga gea naga ami baju ma gogurutuku de duru irahai. Angamoi nako o koano manga ora-ora abe ko yoilakuahi, hokogea manga biaha yomahinoauku.

Higiriiri 22:18

De ahi musu nenanga ihibululunu abe ahi pakeanga yahuputoka, De abeika ona naa ahi pakeanga gea yomahikodoku, De ka hiadono ona yomakokamaihi la onaguna wamake, La una gea wamake ahi baju de womahitouna.

Matiusu 27:28

De ahao to Yesusu ai baju yahuputohi de iwihinoauku o Yesusuku de o baju ma doka-dokara ma koo-kokihi duru ma rorahai abe manga biaha o kokoano yomahitobahinoa-noa, de gea iwimia-mia ato, “Naa ani baju, koano!”