Dodadi 37:20 - Ma Jou ai Demo-demo o Totobelohoka

²⁰ Abeika, nako una hitoma ibooto de ahao hiumo o nyawa manga baituku. De ahao ka idadi nanga baba hihingahu dika hato o fuhuku ma aewani iwigolioka. Gea de ngone ahao hamake hokokia to una ai buluhara idadi.”

Dodadi 37:20 ပူးပေါင်းရင်းမြစ်များ

Dodadi 37:19

Abe yato, “Abeika, genanginoka ma Tobabuluhara!

Dodadi 37:26

Ka de o Yusupu ai ria-riaka yamake ona yoboaino de o Yehuda ai hininga wahingahu ai ria-dodotika wato, “De naa nanga utumu o kia nako nanga dodoto hihohonenge de ai awunu hakopoauku? De ngone naa igoungu ka o wariki moi ho nako wohonenge de ahao ka ihikaika nanga hininga ma huha hamao ma titi nanga dodoto ai awunu hakopoaka. Masara nako hifukunu dika gea naga nanga utumu. Ho abeika, hoiki hihihupu o baitiye gea la ka idadi hifukunu o Isimaele ma nyawaika gea.”

Dodadi 37:32

De ahao ai baju ma rorahai gea iwihimatoko manga babaika de iwileha ato, “Naa ena miamake o tonaka ma homoaka de sarakia gea o Yusupu ai baju eko ko to unangua?”

Dodadi 37:33

Ka de manga hingahu gea woihene de manga baba duru iwitodokana de wato, “Adoo, marai ahi ngofaka iwigolioka o fuhuku ma aewani! Gea ena igoungu to una ai baju abe itaana duru o Yusupu iwiolomoka hiadono ai badanga ihikokatingakoka.”

Dodadi 45:3

De o Yusupu womafetongo ai ria-dodotika wato, “Naa ngohi o Yusupu, de gea niagoungu ahi baba, ka wowangohi?” Masara ai ria-dodoto duru yatodokana ka hiadono yatomomonoka ho ko idadiua yopaluhu de angamoi manga hawanoo ipuda ma titi manga dodoto naa iwihimanga.

1 Kokoano 13:24

Ho Ma Jou ai uru ma dodofanga gea wofarene ma keledai ma poretuku de wosobo. Masara ai dodagi ma gogiriaka de naga o fuhuku ma boki o singa iwibaata unangika de iwihohonenge. Iwihohonengoka de ai honenge naga imaiduiha dika ma ngekomoka, de ma keledai de ma singa gea imaokoino dika ai honenge ma datekoka.

2 Kokoano 2:24

De o Elisa woihene manga demo gea ho womadogilioro la womalega onangika. De ahao una wapake Ma Jou o Yawe ai romanga la wahikoboto onangika. Ho ka de wahikoboto ipaha de naga o fuhuku ma aewani o beruanga o dutu hinooto ka itodokanino ihupu o gota-gotaka de aino. De ma beruanga gea iboaino de yagoli-goli de yatobakakihi ma goo-goduuru manga ngoe hiadono naga yamoruata de yahinooto abe duru yalabo manga badangoka.

Sosawaro 1:10

Ho, ahi ngofa-ngofaka nako naga o nyawa abe manga datoroka yatobahowono, ngini naa ufa ko nimaaduru hoka onangoli ho ma oraha inihigaro la manga dorou nianiiki kiani ona niadokaowara.

Sosawaro 1:16

Ona duru yomatai-taiti manga dumutu o dorouika. De ona yoigo o nyawa manga awunu yakopoa.

Sosawaro 10:18

Nako to ngone nanga dohata hahininga-gogono nanga badangoka masara homahingahu o nyawaika hato ko hahininga-gogonua, gea onangika habudioka ho ngone hotobaeluku. De nako ngone hatobahohedu de hatobahiade-ade o nyawa manga datoro gea duru hobodo angamoi ko hohiorikua homatongohono nanga uru ma demoino.

Sosawaro 28:13

Onagona dika yoluku yomangaku manga howo-howono, ona gea manga wowangoino de manga utumu ko yamakeua. Masara ona abe yomangaku de yoporete manga howo-howonika, ona ahao Ma Jou ai dora ma hiokoo itagi onangika.

Yohanese 3:12

De ma titi naa abe Ngohi tonihingahuoka, gea abe idadi o duniaka. Ho nako ma titi gea ko nomangaratiiua de done sarakia nohingaku nako tonihingahuoli abe idadi o Horogaka?

Titusu 3:3

De gea ahi behehongo ma demo kiani nahihohininga onangika la ena gea yahigaro hiadono yaabole-bole o nyawa mata-mataika. Angamoi Ma Jou waduhunoka manga howonino, ho gea ona kiani manga wowango ma datoro imakiniiki de to Una ai mau onangika. De abeika ngaro ngone naa abe hingaku-ngakuoka, masara abe ma dihira de ngone nanga wowangoka duru homaketero dika abe hoka onangoli abe ma oraha naa ona gea ko iwingakuahi. Abe ngoneoo ma dihira gea duru ko iwa nanga tobahioriki abe hiadono ko moiua de hataana de Ma Jou ai hininga. De ma oraha gea ngoneoo ko iwa nanga hingounu, de gea hiadono o nyawa utu inatobabudi de inahihira-hira ma dorouika. De igoungu ma oraha gea duru ka ma dorouika dika inahipareta hiadono nanga horoodo ma gimono mata-mataika ngone ka ihikaika hoohafini genangika, de gea ngone hoigo la homahisosanangi enangika. De ma dihira nanga wowango ma datoroka duru ka ihikaika hotula-tulaka dika de homaketetaleana de ka hiadono homakodohata ngone de o nyawa utu. Hokogea ma dihira nanga datoro ma dorou, de gea ka imaketero dika abe hoka o nyawa utu ma oraha naa abe ona ko iwingakuahi Unangika. Ho ngone koaho haabole-bole o nyawaika abe manga hininga hokogenangohi.

1 Samuele 24:20

De naa ngohi tohioriki maraioka ngona ahao nodadi o koano abe nohituruuru! De ma oraha ngonali nodadi o Isiraele ma nyawa manga koano de marai ona mata-mataika yamake ma owa ma titi nahikoano itiai.

1 Samuele 26:2

Ho manga hingahu gea o Saulu woihene ipaha de ahao wahoko ai tentara ma nyawa yasana hange abe duru yososawaro yoparangi. Wahokino de ahao wahihira-hira la yomakiniiki iwilingiri o Dautu o Sifi ma tonaka ma kakaahaka.