Dodadi 37:18 - Ma Jou ai Demo-demo o Totobelohoka

¹⁸ De o Yusupu ko ai gurutikahi de ai ria-riaka iwimake abe woboaino de ona yomahikokagaro iwihidee ato iwitoma.

Dodadi 37:18 ပူးပေါင်းရင်းမြစ်များ

Dodadi 27:41

De o Esau ai hininga-kuranga naga o Yakubika hiadono wato womahibalaha angamoi wato, “Ikuranga irahai o baba ai behehongo ngohino. Marai ko itedekanua de o baba wohonenge ho ka de ngomi wiwigari ibooto de ahao ahi dodoto o Yakubu titoma.”

Dodadi 37:19

Abe yato, “Abeika, genanginoka ma Tobabuluhara!

Dodadi 50:15

Masara ai ria-riaka manga hawana ka ipudakali manga hiningaka abe ona yomakoketemo ato, “O baba wohonengoka ho naa marai nanga dodoto womahibalaha abe ma dihira hihikangelaka unangika.” Hokogea manga hininga itagi manga hawanika.

Dodadi 50:20

Igoungu, ma dihiraino ngini nihihidee niato nidiai duru itorou ngohino, masara Ma Jou ai mau la ma dorou gea wohikawalimi la idadi ma owa. Ho wohiaturu la ngohi tamake ahi karajaanga naa abe de ma kuahaka la o nyawa duru ko manga ngoe ka idadi taduhunu hiadono naa ka yowangohi.

Higiriiri 105:25

De ma oraha gea Ma Jou wahigaro o Mesiiri ma nyawaika, La gea yalawana o Isiraele ma nyawaika de yahidee itorou onangika.

Higiriiri 37:12

Masara yotobadiai itotorou gea yadohata onangika, Angamoi ko yaigoua onangika abe manga datoro imakiniiki de Ma Jou ai mau. De manga dohata ihihanguru onangika abe manga wowango itiai.

Higiriiri 37:32

De ona yotobadiai itotorou yatobagoana o totiai ma nyawaika la ato yatoma, De yalingiri o hiaka ma titi la ato itiai yahohowono de o hohonenge.

Matiusu 21:38

“Masara ka de yogoa-goana iwimake de iwihioriki abe ma redi ma dutu ai ngofaka woboaino de ona yomahikagaro ato, ‘Una gea o redi ma dutu ai ngofaka. Abeika hitoma la naa ai oara mata-mata homahitongoneoka dika!’

Matiusu 27:1

De ma dawangeinoli de duru o ngoru-ngorumino de o Yahudi ma nyawa manga hidemo Ma Jouiye manga hohidimono yokokurutiye de o Yahudi ma nyawa manga hohidimono utuoli ona mata-mata yomakokitoomuinoli. De gea yomatoomuino de yomakoketemo abe hokokia irahai yahigaro o Roma ma poparetaika la ahao ma popareta gea iwihohowono o Yesusika de o hohonenge.

Maruku 12:7

Masara ka de woboa de abe ma redi yogoa-goana yomahikagaro ato, ‘Una gea o redi ma dutu ai ngofaka. Abeika hitomaka la naa ai oara mata-mata homahitongoneoka dika!’

Maruku 14:1

De ipahaino de ahao naga o wange hinootohi de naga ma oraha abe o Yahudi ma nyawa ihirame-rame manga rame-rame hinooto. Abe moi o Totilakuru ma rame-rame de moioli abe ihiromanga o Roti abe ko Iwa ma Ragi ma rame-rame. De ma rame-rame gea ko imulaenguahi de ona o hidemo ma nyawa Ma Jouiye manga hohidimono de onangoo abe yotobadoto-dotoko o Musa ai Paretaino ona yomakoketemo de gea iwihidee la ato o Yesusu yomatohiki abe iwitaoko de iwitoma.

Yohanese 11:53

Ho ma wange gea abe o Kayafasa wotemo wato, “Koaho o nyawa moi dika wohonenge la ufa hokokibinaaha,” duru o wange gea de yomulaengoka duru yolingiri ma ngekomo la ka idadi yamake ma titi hiadono iwihidadi iwitoma o Yesusu.

Hidingoto 23:12

De o Paulusu nagahi o tentara ma ngioka abe ona ko iwihihupuahi ma rorahaiika. De ma dawangeino de naga o Yahudi ma nyawa yamuruono naga o Yerusaleemoka abe yomatoomuino de iwihidee o Paulusika la ato iwitoma. De ona yomahiketehibehehongo de o koboto moi abe ato ona mata-mata ko idadiuahi yolomo eko yokere ka hiadono iwitomaka. Ho kiani iwitomakahi de gea ahao ona ka idadi yolomo de yokere abe hoka manga biaha.

1 Samuele 19:1

De o Saulu wahigaro ai nyawaika, abe duru ai datekoka iwileleani, la kiani yolingiri ma ngekomo la ka idadi o Dautu iwitoma. De ka hiadono ai ngofaka o Yonatanika unangoo wihigaro hokogea masara o Yonatana duru woigo la o Dautu widuhunu dika angamoi duru yomaketedodiawo ma gou-goungu.