Dodadi 36:3 - Ma Jou ai Demo-demo o Totobelohoka

³ De ahao o Esau womileoli ngoi firanga o ngo Basemata la munangoo womihidadi ngoi fekata. Muna gea o Isimaele ngoi ora abe ami iranga idodutu o Nebayoto.

Dodadi 36:3 ပူးပေါင်းရင်းမြစ်များ

Dodadi 25:13

O Isimaele ai ngofaka o nauru yangimoi de yahinooto de naa manga roma-romanga abe una o riakoka de yomakadatekuku hiadono ai doo-dodotuku. Ho o Isimaele ai ngofaka o riaka o Nebayoto, de ahao widateke o Kedara, de ukuoli o Adabeele, de ahao o Mibasama.

Dodadi 26:34

De o Isaka ai ngofaka o Esau adonoka ai ngumuru ai taongo moruata de woilaka abe waleino ngoi fekata yahinooto o Hete ma nyawa. Ngoi fekata momatengo ami romanga o ngo Yuditi ami baba o Beri. De ngoi fekata momatengoli o ngo Basemata ami baba o Elono.

Dodadi 28:9

Ho gea woiki o Isimaele ma nyawaika de womile o ngo Mahalata, ho gea ngoi fekata yahange angamoi ma dihiraino nagau ngoi fekata o Kanani ma nyawa yahinooto. O ngo Mahalata gea o Abarahaama ai ngofaka o Isimaele ngoi ora abe ami iranga idodutu ai romanga o Nebayoto. Hokogea o Esau wodiai la wato ai dimono wahisanangi.

Dodadi 36:10

O Esau ai ngofaka o riaka ngoi fekata o ngo Adaino de iwihiromanga o Elifasa. De ai ngofaka womatengoli ai romanga o Rehuele de to una ngoi meme o Esau ngoi fekata o ngo Basemata.

Dodadi 36:2

Una womale ngoi fekata yahinooto o Kanani ma nyawaino, abe momatengo o ngo Ada, ami baba o Elono, o Hete ma nyawa. De ngoi fekata momatengoli o ngo Oholibama abe ami baba o Ana de ami ete o Sibeono, ona o Hewi ma nyawa.

Dodadi 36:4

O Esau de ngoi fekata o ngo Ada manga ngofaka o nauru womatengo dika ai romanga o Elifasa. De ai ngofa-ngofaka o nauru abe wamake ngoi fekata o ngo Oholibamino, manga romanga o Yeusi, de o Yaelama de o Kora. De ai ngofaka womatengoli wamake o ngo Basematino ai romanga o Rehuele. Ho to Esau ai ngofaka o nauru yamotoa de ona mata-mata yomaboa o Kanani ma tonakoka.